Ректори Донишгоҳи техникии Тоҷикистон бо фаъолияти Академияи давлатии авиатсияи Беларус шинос гардид
ДУШАНБЕ, 13.10.2023 /АМИТ «Ховар»/. Дар ҳошияи Форуми 2-юми ректорони муассисаҳои таҳсилоти олии касбии Ҷумҳурии Тоҷикистон дар Ҷумҳурии Беларус, ки аз 5 то 8 октябр баргузор гардид, ректори Донишгоҳи техникии Тоҷикистон ба номи академик М.С. Осимӣ Қудрат Давлатзода бо фаъолияти Академияи давлатии авиатсияи Беларус шинос гардид. Дар ин хусус ба АМИТ «Ховар» дар Донишгоҳи техникӣ хабар доданд.
Байни Донишгоҳи техникии Тоҷикистон ба номи академик М.С. Осимӣ ва Академияи давлатии авиатсияи Беларус факултети муштарак фаъолият дорад. Донишҷӯёни Донишгоҳи техникии Тоҷикистон пас аз хатми курси 1 дар ин академия таҳсилро идома медиҳанд.
Факултети авиатсияи шаҳрвандии Академияи давлатии авиатсияи Беларус-Донишгоҳи техникии Тоҷикистон ба номи академик М.С.Осимӣ соли 2016 таъсис ёфта, мақсади он қонеъ намудани эҳтиёҷи Ҷумҳурии Тоҷикистон ва дигар ҷумҳуриҳои ҳамсоя бо мутахассисони баландихтисоси соҳаи авиатсияи шаҳрвандӣ мебошад.
Нақшаҳои таълимии факултет дар Академияи давлатии авиатсияи Беларус таҳия ва дар Донишгоҳи техникии Тоҷикистон мувофиқа шудаанд. Таълим дар факултет бо забони русӣ мебошад. Дар факултет ба омӯзиши забонҳои русӣ ва англисӣ аҳамияти махсус дода шуда, бо ин мақсад синфхонаҳои лингафонӣ муҷаҳҳаз ва мутахассисони варзида ҷалб шудаанд.
Дар факултет омоданамоии мутахассисон аз рӯйи ихтисосҳои зерин: истифодаи техникии муҳаррикҳо ва киштиҳои ҳавоӣ; истифодаи техникии таҷҳизоти авиатсионӣ (таҷҳизоти барқӣ-равшанидиҳӣ); истифодаи техникии таҷҳизоти авиатсионӣ (таҷҳизоти радиоэлектронӣ); ташкили ҳаракат ва таъмини парвозҳо дар нақлиёти ҳавоӣ (ташкили ҳаракати ҳавоӣ) ба роҳ монда шудааст.
Марҳилаи аввали таҳсил (курси 1) дар Донишгоҳи техникии Тоҷикистон ба номи академик М.Осимӣ ва марҳилаи дуюм (курсҳои 2,3,4 ва 5) дар Академияи давлатии авиатсияи Беларус бо ҳимояи диплом ва додани дараҷаи касбӣ амалӣ мешавад.
АКС: Донишгоҳи техникии Тоҷикистон ба номи академик М.С. Осимӣ
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
Дар Душанбе роҳҳои нави ҳамкорӣ бо ҷамъиятҳои тоҷикон ва ҳамватанони бурунмарзӣ баррасӣ гардиданд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
«ХУШДОМАНИ БЕҲТАРИН». Ин озмуни ҷумҳуриявӣ бо мақсади таҳкими фарҳанги оиладорӣ баргузор мешавад
Дар фасли тирамоҳ бемориҳои сироятии мавсимӣ зиёд мешаванд
