ТОҶИКИСТОН ВА РУСИЯ КАДРҲОИ СОҲАИ КИНО ОМОДА МЕНАМОЯНД. Бо ин мақсад Созишномаи нави ҳамкорӣ имзо шуд
ДУШАНБЕ, 20.10.2023. /АМИТ «Ховар»/. Байни Муассисаи давлатии таълимии «Донишкадаи давлатии фарҳанг ва санъати Тоҷикистон ба номи Мирзо Турсунзода» ва Донишкадаи давлатии кинематографияи умумирусиягии ба номи С. Герасимов (ВГИК) созишномаи нави ҳамкорӣ ба имзо расид, ки муҳлати ҳамкории мутақобилан судмандро барои панҷ соли дигар тамдид менамояд. Дар ин хусус ба АМИТ «Ховар» дар Донишкадаи давлатии фарҳанг ва санъати Тоҷикистон хабар доданд.
Созишномаи ҳамкориро ректори Муассисаи давлатии таълимии «Донишкадаи давлатии фарҳанг ва санъати Тоҷикистон ба номи Мирзо Турсунзода», доктори илмҳои филологӣ, профессор Муҳриддин Низомӣ ва ректори Донишкадаи давлатии кинематографияи умумирусиягии ба номи С. Герасимов профессор Владимир Малишев ба имзо расониданд.
Ҷонибҳо иброз доштанд, ки барои омода намудани мутахассисони соҳаи фарҳангу санъат бояд аз таҷрибаи ҳамдигар истифода бурда, дар асоси созишномаи ҳамкории баимзорасида сафарҳои кории устодони ҳарду тараф ба муассисаҳои якдигар анҷом дода шаванд.
Дар замони муосир кино яке аз соҳаҳои тараққикардаи ҷаҳон ба ҳисоб меравад. Соҳаи кинои ҳар ду давлат таърихи муштарак ва алоқамандии зич дорад. Имрӯз дар баробари он ки техникаву технологияи наву муосир ва барномаҳои гуногуни компютерӣ барои омода намудани кино мавриди истифода қарор мегиранд, инчунин мебояд дар муассисаҳои таълимӣ кадрҳои хуби соҳаи киносозӣ ва ҷавобгӯ ба талаботи бозори меҳнати ҷаҳонӣ омода шаванд.
Ҷонибҳо ба мувофиқа расиданд, ки дар асоси созишномаи ҳамкории баимзорасида баргузор намудани чорабиниҳои муштараки илмӣ, фарҳангӣ, маърифатӣ, эҷодӣ, омодасозӣ ва бозомӯзии кадрҳо, таҷрибаомӯзии илмӣ ва такмили ихтисоси кормандони илмӣ-педагогӣ, тайёр намудани мақолаҳои муштараки илмӣ, гузаронидани фестивалҳо, озмунҳо, шабҳои эҷодӣ, намоишҳо ва ғайраҳоро ба таври густурда ба роҳ монанд.
АКС: Муассисаи давлатии таълимии «Донишкадаи давлатии фарҳанг ва санъати Тоҷикистон ба номи Мирзо Турсунзода»
Ҳаракати фарҳангии «Корвони китоб» дар минтақаи Кӯлоб идома дорад
Дар Донишкадаи давлатии фарҳанг ва санъат оид ба нақши фарҳангу санъат дар муносибатҳои байналмилалӣ ҳамоиш баргузор гардид
Ҷилди панҷуми китоби «Таърихи халқи тоҷик» рунамоӣ гардид
«ТОҶИКИСТОН-ВАТАНИ АЗИЗИ МАН». Дар ҳашт сол шумораи иштирокчиёни озмун ба беш аз 33 ҳазор нафар расидааст
Доир ба таъриху фарҳанги Кӯшониён конфронси ҷумҳуриявӣ баргузор шуд
Маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» оғоз гардид
«КОРВОНИ КИТОБ-2026». Беш аз 6 ҳазор нусха китоб ба шаҳру ноҳияҳои минтақаи Кӯлоб ройгон тақдим мегардад
Дар мавзуи «Шинохти Мавлоно дар ҷаҳони муосир» ҳамоиши илмӣ доир шуд
Густариши ҳамкории фарҳангии Тоҷикистону Озарбойҷон баррасӣ гардид
Ҳайати Тоҷикистон дар Форуми 7-уми байналмилалии «Муколамаи байнифарҳангӣ» дар Боку иштирок намуд
«ГАНҶИНАИ ТАЪРИХ ВА ФАРҲАНГИ ТОҶИКОН». Таҳти ин унвон дар Тоҷикистон озмуни ҷумҳуриявӣ оғоз мегардад
Дар Тоҷикистон Фестивали VIII байналмилалии театрҳои лӯхтак «Чодари хаёл» ҷамъбаст гардид
