35-СОЛАГИИ ИСТИҚЛОЛИЯТИ ДАВЛАТӢ. Дар Балҷувон сохтмони Мактаби президентӣ идома дорад
ДУШАНБЕ, 12.11.2023 /АМИТ «Ховар»/. Бахшида ба 35-солагии Истиқлолияти давлатии Ҷумҳурии Тоҷикистон дар ноҳияи Балҷувони вилояти Хатлон сохтмони бинои Мактаби президентӣ барои хонандагони болаёқат идома дорад.
Раиси ноҳияи Балҷувон Бахтиёр Сафарзода ба АМИТ «Ховар» иттилоъ дод, ки бинои Мактаби президентӣ барои хонандагони болаёқат дар маркази ноҳияи Балҷувон, дар шафати Парчами давлатӣ сохта шуда, аз се ошёна иборат мебошад. Ба корҳои сохтмонӣ 30 сокини маҳаллӣ ҷалб гардида, бо маоши хуб таъмин мебошанд. Бинои Мактаби президентӣ бо маблағгузории Ҳукумати Ҷумҳурии Тоҷикистон сохта мешавад.
Мактаб барои 450 хонанда пешбинӣ гардида, дар айни замон корҳои сохтмонӣ дар ошёнаи сеюми бино идома доранд. Дар шафати бино барои хонандагони ин мактаб хобгоҳи чорошёна қомат афрохтааст.
Дар баробари сохтмони Мактаби президентӣ дар маркази ноҳия як бинои панҷошёнаи истиқоматӣ, ду бинои сеошёна, се бинои дуошёнаи истиқоматӣ ва се муассисаи таълимӣ сохта шуданд.
Иттилоъ дода шуд, ки то охири соли 2023 дар ноҳияи Балҷувон 56 иншооти таъйиноти гуногун ба истифода дода мешаванд. То моҳи октябри соли равон аллакай 23 иншоот пурра ба истифода дода шуда, дар иншооти боқимонда корҳои сохтмонӣ идома доранд.
АКС: АМИТ «Ховар»
«ХУТТАЛИ ҚАДИМ…». Ба муносибати 35–солагии Истиқлоли давлатии Тоҷикистон маҷмуаи илмӣ аз чоп баромад
Масоили густариши ҳамкории таълимӣ ва гуманитарии Тоҷикистону Русия баррасӣ шуд
Донишҷӯёни Донишкадаи политехникии шаҳри Хуҷанд дар озмуни «Беҳтарин донандаи Кодекси андоз» соҳиби ҷойҳои намоён шуданд
Раиси шаҳри Душанбе Рустами Эмомалӣ ба сохтмони якчанд иншооти нави мақомоти корҳои дохилӣ санги асос гузоштанд
ТАЪРИХ ГУВОҲ АСТ… Эҳдо ба 35-солагии Истиқлоли давлатии Ҷумҳурии Тоҷикистон
Дар Ҷамоати шаҳраки Шарора корхонаҳои истеҳсоли хишт ва семент ба истифода дода мешаванд
Сарвари давлат Эмомалӣ Раҳмон рамзи «Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ»-ро тасдиқ намуданд
Дар Донишгоҳи давлатии ҳуқуқ, бизнес ва сиёсати Тоҷикистон намоиши ҷойи холии кор баргузор гардид
ТАШАББУСҲОИ БАЙНАЛМИЛАЛИИ ПРЕЗИДЕНТИ ТОҶИКИСТОН. Тавассути он масъалаи об ба самти калидии рӯзномаи ҷаҳонӣ табдил гардид
35-СОЛАГИИ ИСТИҚЛОЛИ ДАВЛАТӢ. Дар Ҳисор 231 синфхона барои 5544 хонанда дар як баст бунёд карда мешавад
НАҚШИ ПЕШВОИ МИЛЛАТ ДАР ТАҲКИМИ ИСТИҚЛОЛИ ДАВЛАТӢ БЕНАЗИР АСТ. Ва ё вазифае муҳимтар аз нигаҳдорӣ ва таҳкими истиқлолияти Тоҷикистон нест
Донишкадаи кӯҳию металлургии Тоҷикистон дар омодасозии мутахассисони соҳаи кӯҳӣ ва рушди саноат саҳми назаррас дорад
