ҚАҲРАМОНОН НАМЕМИРАНД! Дар Боғи фарҳангию фароғатии ноҳияи Рӯдакӣ муҷассамаи Спитамен гузошта шуд
ДУШАНБЕ, 04.11.2023. /АМИТ «Ховар»/. Тавре қаблан иттилоъ додем, 26 октябр бо иштироки Президенти мамлакат муҳтарам Эмомалӣ Раҳмон Боғи фарҳангию фароғатии ноҳияи Рӯдакӣ баъди таҷдиду навсозӣ мавриди баҳрабардорӣ қарор дода шуд. Сарвари давлат дар маркази боғи мазкур аз болои муҷассамаи қаҳрамони халқи тоҷик Спитамен парда бардоштанд.
Муҷассамаро дар боғ ба хотири гиромидошти хотираи қаҳрамони халқи тоҷик Спитамен дар роҳи истиқлолу озодӣ гузоштаанд, то барои ҷавонону наврасони мо дар дўст доштани Ватан ва хизмати содиқона ба он намунаи ибрат бошад.
Муборизаи Спитамен барои истиқлол ва озодӣ дар саҳифаҳои таърихи гузаштаи тоҷикон бо ҳарфҳои заррин навишта шудааст.
Баландии муҷассамаи навбунёд 12 метр буда, он аз тарафи ҳайкалтарош Хуршед Ҳусейнов бо маҳорати баланд сохта шудааст.
Майдони назди муҷассама 750 метри мураббаъро ташкил дода, барои баргузор намудани чорабиниҳои фарҳангӣ мусоид мебошад. Атрофи муҷассама пурра сафолакпӯш ва сабзазор аст.
Дар қисми шимолии Боғи фарҳангию фароғатии ноҳияи Рӯдакӣ гӯшаи қаҳрамонони ҷангу меҳнат ташкил гардида, нимпайкараи шахсиятҳои маъруф ва лавҳаҳои хотиравӣ гузошта шудааст.
Ёдовар мешавем, ки ба хотири арҷ гузошта ба қаҳрамонии ин фарзанди шуҷои тоҷик яке аз ноҳияҳои вилояти Суғд ба номи ў- Спитамен (собиқ ноҳияи Нов) гузошта шудааст.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
СОТИМ УЛУҒЗОДА ВА ҚАДРШИНОСИИ ПЕШВОИ МИЛЛАТ. Эҳдо ба 115-солагии Нависандаи халқии Тоҷикистон Сотим Улуғзода
Дар Душанбе китоби «Президент сказал: Любите!…» рӯнамоӣ гардид
Муовини вазири корҳои хориҷии Умон дар Осорхонаи миллии Тоҷикистон бо таъриху тамаддуни тоҷикон шинос гардид
