Байни Донишгоҳи байналмилалии забонҳои хориҷии Тоҷикистон ва IBT Коллеҷи Канада созишномаи ҳамкорӣ ба имзо расид
ДУШАНБЕ, 13.11.2023 /АМИТ «Ховар»/. Байни Донишгоҳи байналмилалии забонҳои хориҷии Тоҷикистон ба номи Сотим Улуғзода ва IBT Коллеҷи Канада оид ба тақвият бахшидани имконоти илмию таҳсилотӣ, табодули донишҷӯён ва омӯзиши забони англисӣ созишномаи ҳамкорӣ ба имзо расонида шуд. Дар ин хусус АМИТ «Ховар» бо истинод ба Донишгоҳи байналмилалии забонҳо хабар медиҳад.
Дар донишгоҳ мулоқоти ректор бо директори IBT баргузор гардид, ки зимни он дар бораи робитаҳои судманди ду давлат- Тоҷикистон ва Канада, самти муносибатҳои байналмилалии муассиса, ихтисосҳои амалкунандаи таълимгоҳ ва таълиму омӯзиши забонҳои хориҷӣ, хусусан забони англисӣ дар муассиса ибрози назар гардид.
Директор IBT аз пазироии тоҷикона ва ҳамкорӣ бо донишгоҳ изҳори хушнудӣ намуда, иброз дошт, ки робитаи судманди тарафайн ба таҳкими робитаҳои дӯстии байни давлатҳоямон мусоидат намуда, барои ташаккули неруи илмии мутахассисони забоншинос ва тарҷумонони касбӣ шароити мусоид фароҳам месозад.
Бояд гуфт, ки меҳмонон бо марказҳои омӯзишӣ ва синфхонаҳои забони англисии факултетҳои забони англисӣ ва забонҳои Аврупо шинос шуданд.
Директори IBT бо омӯзгорону донишҷӯён низ суҳбати озоду самимӣ доир намуда, ба раванди дарс, шароити таҳсилу забономӯзӣ дар донишгоҳ ва забондониву истеъдоди донишҷӯён баҳои баланд дод.
АКС: Донишгоҳи байналмилалии забонҳои хориҷии Тоҷикистон ба номи Сотим Улуғзода
ИСТИҚЛОЛИЯТ ВА РУШДИ МАОРИФ. Ҳаҷми маблағгузории соҳаи маориф давоми 25 соли охир 224 баробар зиёд гардид
Дар Сеул оид ба сиёсати рушди сармояи инсонӣ дар соҳаи зеҳни сунъӣ форуми байналмилалӣ доир гардид
Байни Вазорати маориф ва илм ва Маркази байналмилалии иртиботи фарҳангии Малайзия Ёддошти тафоҳум ба имзо расид
Маркази барномаҳои байналмилалӣ қабули ҳуҷҷатҳои довталабонро ба донишгоҳҳои Узбекистон оғоз намуд
ИСТИҚЛОЛИЯТ ВА РУШДИ МАОРИФ. Дар вилояти Суғд 767 иншооти соҳаи маориф ба истифода дода шудааст
Дар муассисаҳои таҳсилоти миёнаи умумии Тоҷикистон зиёда аз 1 миллион китоби узбекӣ мавҷуд аст
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
