Байни Хадамоти иҷрои Тоҷикистон ва Хадамоти федералии приставҳои судии Русия Ёддошти тафоҳум ба имзо расид
ДУШАНБЕ, 23.11.2023 /АМИТ «Ховар»/. 21 ноябр дар доираи сафари расмии Президенти Ҷумҳурии Тоҷикистон ба Федератсияи Русия байни Хадамоти иҷрои назди Ҳукумати Ҷумҳурии Тоҷикистон ва Хадамоти федералии приставҳои судии Федератсияи Русия Ёддошти тафоҳум оид ба ҳамкорӣ ба имзо расид, хабар медиҳад АМИТ «Ховар».
Ёддошти тафоҳум аз ҷониби сардори Хадамоти иҷрои назди Ҳукумати Ҷумҳурии Тоҷикистон Барно Саидвализода ва директори Хадамоти федералии приставҳои судии Федератсияи Русия Дмитрий Аристов ба имзо расонида шуд.
Ҳуҷҷати имзошуда дар самти иҷрои саривақтии санадҳои судӣ, санадҳои мақомоти давлатӣ ва шахсони мансабдор, инчунин пешгирии қонуншиканиҳо ва саркашӣ намудан аз иҷрои санадҳои судӣ дар Ҷумҳурии Тоҷикистон ва Федератсияи Русия мусоидат менамояд.
Ёдовар мешавем, ки 21 ноябр дар шаҳри Москва пас аз анҷоми мулоқоту музокироти сатҳи олии Тоҷикистон ва Русия дар ҳузури Сарони давлатҳо муҳтарам Эмомалӣ Раҳмон ва муҳтарам Владимир Путин санадҳои нави ҳамкорӣ байни Ҷумҳурии Тоҷикистон ва Федератсияи Русия дар соҳаҳои иқтисод, нақлиёт, илм ва дигар соҳаҳои мавриди манфиати тарафайн ба имзо расиданд.
АКС: Хадамоти иҷрои назди Ҳукумати Ҷумҳурии Тоҷикистон
Мавҷудияти деворҳои ҳимоявӣ дар шоҳроҳи Душанбе-Чанок ҷони нафарони зиёдро наҷот додааст
«ЗАНОН ВА ПАЁМ». Дар Хатлон 50 ҳазор занон дар соҳаи маориф фаъолият менамоянд
Дар роҳҳои кӯҳию наздикӯҳии Тоҷикистон хатари лағжиши тарма ва резиши сангу рег пешбинӣ мешавад
Ҳавои моҳи январи имсола нисбат ба соли 2024 гармтар пешгӯйӣ мешавад
Чаро ғизои дар ҳавопаймо дастрас маззаи хӯроки маъмулиро надорад?
ИНТИХОБОТИ ВАКИЛОНИ ХАЛҚ-2025. Интихобот ифодаи рушди демократия мебошад
БАРДОШТ АЗ ПАЁМ. Ҳар давлати миллӣ ба сифати арзишҳои миллӣ, пеш аз ҳама, забонро мавриди пуштибонӣ ва ҳимоя қарор медиҳад
ДАСТОВАРДИ ТАБИБОНИ ТОҶИК. Бори аввал дар самти бемории рагҳои мағзи сар ҷарроҳӣ ба тариқи эндоскопӣ гузаронида шуд
«МАҚОМИ ЗАНОН ДАР МЕҲВАРИ ПАЁМ». Дар шаҳри Душанбе ҳамоиши занону духтарон баргузор гардид
Масъалаи касбомӯзии аҳолӣ дар меҳвари таваҷҷуҳи Ҳукумати мамлакат, хусусан Президенти Тоҷикистон қарор дорад
