Дар Душанбе иқдоми экологии «Тозагии соҳил» баргузор гардид
ДУШАНБЕ, 25.11.2023 /АМИТ «Ховар»/. Дар доираи татбиқи ҳадафҳои Даҳсолаи байналмилалии амал «Об барои рушди устувор, солҳои 2018-2028» бо ташаббуси Кумитаи ҳифзи муҳити зисти назди Ҳукумати Ҷумҳурии Тоҷикистон бо ҷалби ташкилоту муассисаҳои ҳудуди ноҳияи Сино дар назди пули роҳи оҳани соҳили дарёи Душанбе, воқеъ дар кӯчаи Нурулло Ҳувайдуллоев ҳашари экологии «Тозагии соҳил» гузаронида шуд, хабар медиҳад АМИТ «Ховар» бо истинод ба Кумитаи ҳифзи муҳити зист.
Ҳамзамон дар ду қисмати рости соҳили дарёи Душанбе- дар назди муассисаи таҳсилоти миёнаи умумии №72, гимназияи №4 ва маҷмааи иншооти «Дунёи нав»-и ҳудуди ноҳияи Фирдавсии шаҳри Душанбе чунин ҳашарҳо баргузор гардид, ки дар он хонандагону омӯзгорони муассисаҳои маориф иштирок намуданд.
Дар ҳашарҳо дар маҷмуъ беш аз 500 нафар иштирок намуда, 3 км масоҳати соҳили дарёи Душанберо аз партовҳо тоза намуданд, 2,8 м3 партовҳои ҷамъоварда тавассути техникаҳои соҳаи коммуналӣ ба партовгоҳи расмӣ интиқол дода шуданд.
Чунин ҳашарҳои тозасозӣ бо назардошти боду ҳавои мусоиди тирамоҳӣ пайваста гузаронида шуда, сокинони ҷумҳурӣ мавқеи фаъоли ҷамъиятӣ нишон дода, дар чунин корҳои ҷамъиятӣ фаъолона иштирок менамоянд. Ин тамоюл ба саҳмгузорӣ дар тозаву озода нигоҳ доштани шаҳру ноҳияҳои мамлакат, аз ҷумла пойтахти азизамон- шаҳри Душанбе мусоидат менамояд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Пагоҳ дар якчанд вазорату идора нишасти матбуотӣ баргузор мегардад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
