Дар Хоруғ ярмаркаи фурӯши маҳсулоти кишоварзӣ бо нархи дастрас баргузор мегардад

ДУШАНБЕ, 12.11.2023 /АМИТ «Ховар»/. 14 ноябр дар майдони Исмоили Сомонии шаҳри Хоруғ  бо ташаббуси Мақомоти иҷроияи ҳокимияти давлатии Вилояти Мухтори Кӯҳистони Бадахшон, шаҳру ноҳияҳои вилоят ва намояндагии Агентии захираҳои моддии давлатии назди Президенти Ҷумҳурии Тоҷикистон дар вилоят ярмаркаи навбатии фурӯши маҳсулоти кишоварзӣ бо нархи дастрас баргузор мешавад. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Хоруғ хабар медиҳад.

Сокинон ва меҳмонони шаҳр аз ин ярмарка метавонанд бо нархи нисбат ба бозор арзонтар маҳсулоти хӯрокворӣ дастрас намоянд.

Чунин ярмаркаҳо баҳри ғаниву фаровон намудани дастархони мардум ва захиранамоии маводи озуқа дар фасли зимистон тибқи дастури Пешвои миллат муҳтарам Эмомалӣ Раҳмон пайваста ташкил мешаванд, то нархи маҳсулоти мавриди ниёзи аввал ба мардум дастрас бошад.

АКС: Рӯзномаи «Нигини Хоруғ»