Дар шаҳри Хоруғ 29-солагии Конститутсияи Ҷумҳурии Тоҷикистонро таҷлил намуданд
ДУШАНБЕ, 04.11.2023 /АМИТ «Ховар»/. 4 ноябр дар шаҳри Хоруғ 29 –солагии Конститутсияи Ҷумҳурии Тоҷикистон бо шукуҳу шаҳомати хосса баргузор гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар медиҳад.
Дар ҷамъомад тазаккур дода шуд, ки 29 сол муқаддам лоиҳаи Қонуни асосии Тоҷикистони соҳибистиқлол таҳти ҳидояти оқилонаву олимонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз ҷониби гурӯҳи бонуфуз таҳия ва комил гардида, барои қабул пешниҳод гардид.
Бояд тазаккур дод, ки пас аз баргузории Иҷлосияи таърихии 16-уми Шурои Олии Ҷумҳурии Тоҷикистон ва барқарор гаштани Ҳукумати конститутсионӣ вазъияти сиёсию иҷтимоии мамлакат зарурати ҳарчи зудтар қабул намудани Конститутсияро тақозо менамуд.
Воқеан, ҳар гоҳе, ки мо ба матни Конститутсия назар меандозем, дар даҳ боб ва сад моддаи он таърихи ҳазорсолаҳо ташаккулёфтаи миллатро идрок намуда, танзими мутаносиби ҳар самт ва паҳлуи ҳаёти имрӯзаамонро дар он баръало мебинем.
Конститутсияи замони соҳибистиқлолӣ аз конститутсияҳои дигар, ки дар замони пеш қабул гардида буданд, бо муҳтавою моҳияти худ фарқ дошта, меъёрҳои мутобиқ ба стандартҳои ҳуқуқи байналмилалии он, ҳуқуқи инсон ба ҳаёт, молу мулк, оила, этиқоди фитрӣ, сиёсӣ ва ғайраро таъмин намуда, муносибати инсонро ба ҷамъияту давлат ва нисбат ба ҳар фард муайян ва муқаррар менамояд.
Дар фарҷом барномаи рангини аҳли фарҳанги вилоят манзур гардид.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
Дар ноҳияи Данғара нақшаи ҷамъоварии пахта 100 фоиз иҷро гардид
Дар ноҳияи Деваштич иншооти гуногуни иҷтимоӣ ба истифода дода шуданд
Дар Академияи идоракунии давлатӣ оид ба нақши Конститутсия дар таъмини баробарии гендерӣ ҳамоиш доир шуд
