«ФУРӮҒИ СУБҲИ ДОНОӢ КИТОБ АСТ». Донишҷӯёни Академияи идоракунии давлатӣ дар озмун ҷойҳои намоёнро ишғол намуданд

Ноябрь 21, 2023 15:50

ДУШАНБЕ, 21.11.2023 /АМИТ «Ховар»/. Дар даври ҷумҳуриявии озмуни «Фурӯғи субҳи доноӣ китоб аст» магистранти Академияи идоракунии давлатии назди Президенти Ҷумҳурии Тоҷикистон Сафия Маҳмадуллозода аз рӯйи номинатсияи «Эҷоди наср» сазовори ҷойи сеюм, донишҷӯйи соли аввали факултети дипломатия ва сиёсат Шодрӯз Неъматов аз рӯйи номинатсияи «Адабиёти классикии тоҷик» сазовори ҷойи сеюм ва магистранти Академия Шабнам Фатҳуллозода аз рӯйи номинатсияи «Адабиёти муосири тоҷик» сазовори ҷойи сеюм гардиданд. Дар ин хусус АМИТ «Ховар» бо истинод ба Академияи идоракунии давлатӣ хабар медиҳад.

Донишҷӯи курси 3 Шодвар Холиқзода дар ҳамин даври озмун аз рӯйи номинатсияи «Эҷоди наср» иштирок намуда, бо Ифтихорномаи Вазорати маориф ва илми Ҷумҳурии Тоҷикистон қадрдонӣ шуд.

Бояд гуфт, ки дар озмунҳои ҷумҳуриявӣ донишҷӯёну магистрантон, унвонҷӯён ва устодону кормандони Академияи идоракунии давлатӣ дар баробари дигар муассисаҳои олии таълимӣ фаъолона иштирок намуда, ба натиҷаҳои назаррас шарафёб гардиданд.

Соли равон бо ташаббуси Мақомоти иҷроияи ҳокимияти давлатии шаҳри Душанбе бо мақсади ҷалби бештари ҷавонон ба омȳзиши осори Пешвои миллат, ташаккули тафаккури сиёсиву ҷаҳонбинӣ, баланд бардоштани савияи донишҳои ҳуқуқӣ, ҳисси ватанпарастиву ватандӯстӣ, худшиносии милливу худогоҳӣ, инчунин пешгирии ҷавонон аз тақлиди фарҳанги бегона Озмуни шаҳрии «Беҳтарин донандаи китобҳои Пешвои миллат» гузаронида шуд, ки дар даври ниҳоии он  донишҷӯи курси 3-юми факултети дипломатия ва сиёсат Тоиршои Қадамшо сазовори ҷойи сеюм ва туҳфаҳои кумитаи тадорукоти озмун гардид.

Ҳамаи ин муваффақияти донишҷӯёну магистрантон мояи ифтихори аҳли Академия буда, барои тарбияи дурусту саривақтии дигар муҳассилини Академия дар руҳияи ватандӯстиву ватанпарастӣ ва ифтихор аз арзишҳои миллии тоҷикӣ ҳисса мегузорад.

Роҳбарияти Академия минбаъд низ дастгирӣ ва имтиёзҳоро барои донишҷӯёни фаъол ва иштирокчиёни озмунҳои ҷумҳуриявӣ бештар намуда, талош менамояд, то дар зиёдтар намудани сафи ғолибони озмуну мусобиқаҳои ҷумҳуриявию байналмилалӣ ва амалӣ намудани сиёсати илмдӯстонаву маорифпарваронаи Президенти Ҷумҳурии Тоҷикистон муҳтарам Эмомалӣ Раҳмон саҳм гузорад.

Ёдовар мешавем, ки Озмуни ҷумҳуриявии «Фурӯғи субҳи доноӣ китоб аст» таҳти сарпарастии Президенти Ҷумҳурии Тоҷикистон бо мақсади баланд бардоштани завқи китобхонӣ, тақвияти ҳофизаи фарҳангӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худогоҳию худшиносӣ, бой гардонидани захираи луғавӣ, тақвияти ҷаҳони маънавӣ ва фаъолгардонии доираи забондонӣ байни қишрҳои мухталифи ҷомеа, аз ҷумла хонандагону донишҷӯёни ҳамаи зинаҳои таҳсил, инчунин магистрҳо, аспирантҳо, докторантҳо ва шаҳрвандони ҷумҳурӣ доир мегардад.

АКС: Академияи идоракунии давлатии назди Президенти Ҷумҳурии Тоҷикистон

Ноябрь 21, 2023 15:50

Хабарҳои дигари ин бахш

«TASHKENT GRAND SLAM». Варзишгари Тоҷикистон Эмомалӣ Нуралӣ медали тилло ба даст овард
«ОИЛАИ НАМУНАВӢ». Таҳти ин унвон дар Тоҷикистон озмуни ҷумҳуриявӣ баргузор мегардад
Дар Душанбе масъалаи ҷалби сармояи ширкатҳои Қазоқистон ба иқтисоди Тоҷикистон баррасӣ шуд
«TASHKENT GRAND SLAM». Ҷудочии тоҷик Эмомалӣ Нуралӣ ба даври финалӣ баромад
Густариши ҳамкорӣ байни муассисаҳои таҳсилоти олии касбии Тоҷикистон ва филиали Донишгоҳи иқтисодии Русия ба номи Г. В. Плеханов баррасӣ шуд
Дар моҳи март сокинони Тоҷикистонро чӣ гуна ҳаво интизор аст?
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Ҳангоми истифодаи хабару маводи сомона истинод ба www.khovar.tj ҳатмӣ аст!
Дурнамои густариши ҳамкории Тоҷикистон ва Корпоратсияи байналмилалии молиявӣ баррасӣ гардид
Хатмкунандагони мактабҳои пойтахт бо ҷараёни таълим дар Донишгоҳи байналмилалии забонҳои хориҷии Тоҷикистон шинос шуданд
Дар Анталия раванди густариши муносибатҳои дуҷонибаи Тоҷикистон ва Туркия мавриди баррасӣ қарор гирифт
Имрӯз даври якуми бақайдгирии довталабон барои иштирок дар имтиҳонҳои марказонидаи дохилшавӣ оғоз шуд