ПРЕЗИДЕНТ-КАФИЛИ ЗИНДАГИИ ШОИСТА. Дар Осорхонаи миллӣ ҳамоиш доир шуд
ДУШАНБЕ, 15.11.2023 /АМИТ «Ховар»/. 14 ноябр дар Осорхонаи миллии Тоҷикистон ба ифтихори Рӯзи Президенти Ҷумҳурии Тоҷикистон таҳти унвони «Президент-ҳомии манфиатҳои миллӣ ва кафили зиндагии шоиста» ҳамоиши илмӣ-фарҳангӣ баргузор гардид. Дар ин хусус ба АМИТ «Ховар» сардори шуъбаи экскурсионӣ ва оммавии Осорхонаи миллӣ Фаридун Кенҷаев хабар дод.
Ҳамоиш бо ташаббуси Осорхонаи миллии Тоҷикистон ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон ташкил шуда, зимни он иброз гардид, ки муҳимияти таҷлили Рӯзи Президенти Ҷумҳурии Тоҷикистон дар он аст, ки мо бояд фаъолияти пурсамару ибратбахши Пешвои миллат муҳтарам Эмомалӣ Раҳмонро қадр намоем. Зеро, маҳз ба шарофати сиёсати муваффақонаву боровар, талошҳои пайваста дар роҳи ободиву осоиши Ватан, азму ҷасорати қавӣ, арҷгузорӣ ба таърихи пурғановати миллати бостонии тоҷик ва ташаббусҳои созандаву некбинонаи Сарвари давлатамон ҷомеаи ҷаҳонӣ ба Тоҷикистон бо нигоҳи боэътимод ва хайрхоҳона назар дорад.
Шоистаи ёдоварӣ аст, ки Осорхонаи миллӣ зодаи давраи соҳибистиқлолӣ буда, бо ташаббуси Президенти Ҷумҳурии Тоҷикистон муҳтарам Эмомалӣ Раҳмон таъсис ёфтааст. Дар ин даврон аз ҷониби Президенти Ҷумҳурии Тоҷикистон ба Осорхонаи миллӣ 2658 ёдгории таърихию фарҳангӣ эҳдо гардидаанд, ки аҳамияти бузурги таърихӣ ва осорхонавӣ доранд. Бо истифода аз ин ашёи муҳим дар Осорхонаи миллӣ «Толори туҳфаҳои Президенти Ҷумҳурии Тоҷикистон» ташкил шудааст.
Дар доираи ҳамоиши илмӣ-фарҳангӣ аз ҷониби роҳбаладони Осорхонаи миллӣ барои меҳмонон дар «Толори туҳфаҳои Президенти Ҷумҳурии Тоҷикистон» ва дигар гӯшаҳои намоишӣ экскурсияҳо гузаронида шуданд.
АКС: АМИТ «Ховар»
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
Дар Хуҷанд даври шаҳрии Озмуни ҷумҳуриявии «Тоҷикистон— Ватани азизи ман» оғоз шуд
Рӯзҳои кинои Ҷумҳурии Тоҷикистон дар Ҷумҳурии Қирғизистон ифтитоҳ гардиданд
