СОЛҲОИ РУШДИ САНОАТ. Дар шаҳри Хоруғ сохтмони якчанд корхонаи истеҳсолӣ оғоз гардид
ДУШАНБЕ, 20.11.2023 /АМИТ «Ховар»/. Бахшида 35-солагии Истиқлолияти давлатӣ ва дар доираи Солҳои рушди саноат дар шаҳри Хоруғи Вилояти Мухтори Кӯҳистони Бадахшон сохтмони якчанд корхонаи истеҳсолӣ оғоз гардид. Дар ин хусус АМИТ «Ховар» бо истинод ба мақомоти иҷроияи ҳокимияти давлатии вилоят ва шаҳри Хоруғ хабар медиҳад.
Аз ҷумла дар заминаи собиқ бинои Заводи нон аз ҷониби соҳибкори ватанӣ Рамеш Худоиев сохтмони корхонаи коркарди гӯшт, маҳсулоти гӯштӣ ва маҳсулоти ширӣ оғоз гардид.
Тазаккур дода шуд, корхонаи мазкур соли 2024 мавриди баҳрабардорӣ қарор мегирад ва зиёда аз 25 сокини маҳаллӣ бо ҷойи корӣ доимӣ таъмин карда мешавад.
Ҳамчунин дар ҳамин мавзеъ аз ҷониби Ҷамъияти дорои масъулияти маҳдуди «Насим» сохтмони корхонаи коркарди меваи хушк, банду басти он ва корхонаи мебелбарорӣ оғоз шуд.
Иттилоъ дода шуд, ки корхонаи мазкур соли 2024 мавриди баҳрабардорӣ қарор дода шуда, зиёда аз 35 сокини маҳаллӣ соҳиби ҷойи корӣ доимӣ мегардад.
Дар ин ҷой инчунин аз ҷониби Ҷамъияти дорои масъулияти маҳдуди «Помир Стоун» сохтмони корхонаи коркарди санг оғоз гардид.
Таъкид шуд, ки корхонаи мазкур соли 2024 мавриди баҳрабардорӣ қарор мегирад ва зиёда аз 25 сокини маҳаллӣ бо ҷойи корӣ доимӣ таъмин карда мешавад.
Бояд гуфт, ки дар робита ба сохтмони ин корхонаҳо дар доираи Форуми байналмилалии соҳибкориву сармоягузории «Помир Инвест 2023» созишномаҳои ҳамкории дахлдор ба имзо расида буданд.
АКС: Рӯзномаи «Нигини Хоруғ»
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
