ҲУКУМАТИ ЭЛЕКТРОНӢ. Дар сохтори маорифи шаҳри Душанбе низоми миллии почтаи электронӣ бо забони тоҷикӣ амалӣ гардид
ДУШАНБЕ, 09.11.2023. /АМИТ «Ховар»/. Аз ҷониби Муассисаи давлатии «Маркази таҳлилӣ-иттилоотии назди Сарраёсати маорифи шаҳри Душанбе» низоми миллии почтаи электронӣ бо забони тоҷикӣ амалӣ гардид. Ба омодасозии почта барномасозони Маркази таҳлилӣ-итилоотӣ ҷалб гардида, онро дар заминаи барномаи «Roundcube» таҳия намуданд. Почта дар марҳилаи аввал дар сохтори Сарраёсати маорифи шаҳри Душанбе ва шуъбаҳои маорифи ноҳияҳои пойтахт ҷорӣ шуд. Дар ин хусус ба АМИТ «Ховар» дар Сарраёсати маорифи шаҳри Душанбе хабар доданд.
Почта бо мақсади таъмини амнияти иттилоотӣ, беҳтар намудани суръати мубодилаи иттилоот, арҷгузорӣ ба забони давлатӣ, осон, дастрас ва бехатар намудани истифодаи системаи почтаи электронӣ, инчунин сода намудани раванди гардиши ҳуҷҷатҳо таҳия гардид.
Дар қаламрави мамлакат бори нахуст ба муассисаҳои соҳаи маорифи пойтахт муяссар гардид, ки аз истифодаи ҳамаи почтаҳои электронии хориҷӣ (доменҳои ru, com ва ғайра) даст кашида, ҳама намуди иттилоотро дар доираи домени миллӣ (tj) мубодила намоянд.
Таҳияи низоми миллии почтаи электронӣ қадами муҳим дар самти рушди рақамикунонии низоми табодули иттилоот буда, пешниҳоди чунин низом кори муассисаҳои давлатиро дар самти таҳия ва интиқоли ҳуҷҷатҳои расмӣ ва табодули шаклҳои гуногуни иттилоот ба маротиб осон, ҳамзамон бехатар мегардонад. Як ҷиҳати муҳимми дигари почта дар он аст, ки низоми он бо забони тоҷикӣ таҳия гардида, ба корбарон имкон медиҳад, ки дар мубодилаи парвандаҳои худ ба мушкилӣ дучор нашаванд.
Тавре муовини директори Маркази таҳлилӣ-иттилоотии назди Сарраёсати маорифи шаҳри Душанбе Санҷар Амриев иброз дошт, низоми миллии почтаи электронӣ дар асоси Қарори Ҳукумати Ҷумҳурии Тоҷикистон аз 30 декабри соли 2011 «Дар бораи Консепсияи ташаккули ҳукумати электронӣ дар Ҷумҳурии Тоҷикистон» ва «Барномаи рушди забони давлатӣ барои солҳои 2020-2030» аз 28 ноябри соли 2020 бо мақсади ташаккули низоми ягонаи табодули иттилоотӣ бо истифода аз захираҳои иттилоотии электронӣ ва пайвастшавии доимӣ ба система ва шабакаҳои маҳдуди баҳисобгирии алоқаи ҳамаи корбарон ва боло бурдани нақшу мақоми забони тоҷикӣ таҳия гардидааст. Он аввалин низоми миллии почтаи электронӣ дар ҷумҳурӣ маҳсуб шуда, татбиқи фарогири он дар марҳилаҳои баъдӣ дар назар аст.
Почтаи электронии миллӣ дар пайванди https://mtu.tj/қарор дорад.
АКС: Маркази таҳлилӣ-иттилоотии назди Сарраёсати маорифи шаҳри Душанбе
ИСТИҚЛОЛИЯТ ВА РУШДИ МАОРИФ. Ҳаҷми маблағгузории соҳаи маориф давоми 25 соли охир 224 баробар зиёд гардид
Дар Сеул оид ба сиёсати рушди сармояи инсонӣ дар соҳаи зеҳни сунъӣ форуми байналмилалӣ доир гардид
Байни Вазорати маориф ва илм ва Маркази байналмилалии иртиботи фарҳангии Малайзия Ёддошти тафоҳум ба имзо расид
Маркази барномаҳои байналмилалӣ қабули ҳуҷҷатҳои довталабонро ба донишгоҳҳои Узбекистон оғоз намуд
ИСТИҚЛОЛИЯТ ВА РУШДИ МАОРИФ. Дар вилояти Суғд 767 иншооти соҳаи маориф ба истифода дода шудааст
Дар муассисаҳои таҳсилоти миёнаи умумии Тоҷикистон зиёда аз 1 миллион китоби узбекӣ мавҷуд аст
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
