35-СОЛАГИИ ИСТИҚЛОЛИ ДАВЛАТӢ. Кормандони филиали «Амонатбонк» дар ноҳияи Файзобод соҳиби бинои хуштарҳу замонавӣ шуданд
ФАЙЗОБОД, 14.12.2023 /АМИТ «Ховар»/. Ба ифтихори ҷашни 35-солагии Истиқлоли давлатии Ҷумҳурии Тоҷикистон бинои наву замонавии филиали №16-и КВД «Бонки амонатгузории Ҷумҳурии Тоҷикистон «Амонатбонк» дар ноҳияи Файзобод мавриди баҳрабардорӣ қарор дода шуд. Дар ин хусус хабарнигори минтақавии АМИТ «Ховар» Субҳониддини Маҳмуд иттилоъ медиҳад.
Мудири филиали №16-и КВД «Бонки амонатгузории Ҷумҳурии Тоҷикистон «Амонатбонк» дар ноҳияи Файзобод Баҳодур Юнусӣ иброз дошт, ки бо дастгирӣ ва ғамхориҳои Пешвои миллат муҳтарам Эмомалӣ Раҳмон кормандону муштариёни КВД «Бонки амонатгузории Ҷумҳурии Тоҷикистон «Амонатбонк» дар ноҳияи Файзобод сазовори беҳтарин бинои наву замонавӣ мегарданд, ки дар ин бинои дуошёна тамоми шароити корӣ барои мутахассисон ва муштариён муҳайё гардидааст. Утоқҳои корӣ бо таҷҳизоти замонавӣ муҷаҳҳаз гардида, барои дар фасли тирамоҳу зимистон бо гармӣ таъмин намудани бино шароити хуб муҳайё мебошад.
Ба истиқболи ҷашни 35-солагии Истиқлоли давлатӣ дар ноҳияи Файзобод бунёди зиёда аз 147 иншооти дорои аҳамияти ҷумҳуриявию маҳаллӣ ба нақша гирифта шудааст, ки аз ин шумора то имрӯз зиёда аз 60 иншоот сохта, ба истифода дода шуд. Дар боқимонда иншоот, аз ҷумла дар маркази ноҳия биноҳои баландошёнаи истиқоматӣ, бинои маъмурии ҲХДТ дар ноҳия, сохтмони муҷассамаи шоҳ Исмоили Сомонӣ, бинои Кумитаи бехатарии озуқаворӣ дар ноҳияи Файзобод ва бинои шуъбаи маориф корҳои сохтмонӣ босуръат идома доранд.
АКС: КВД «Бонки амонатгузории Ҷумҳурии Тоҷикистон «Амонатбонк»
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
ҚУРБИ АСЪОР: 1 доллари ИМА аз 9.1800 то 9.2592 сомонӣ муқррар шудааст
Агентии «S&P Global Ratings» рейтинги соҳибихтиёрии қарзии Тоҷикистонро ба дараҷаи «B+/B» бо дурнамои «устувор» баланд бардошт
