Ба ятимону бепарасторони мамлакат туҳфаҳои Президенти Тоҷикистон тақдим гардиданд
ДУШАНБЕ, 29.12.2023 /АМИТ «Ховар»/. Дар сиёсати иҷтимоии Ҳукумати Ҷумҳурии Тоҷикистон дастгирии ятимону бепарасторон, маъюбону барҷомондагон, оилаҳои бесаробон ва ниёзманди ҷомеа мавқеи меҳварӣ дошта, таҳти ғамхорӣ ва таваҷҷуҳи пайвастаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад. Ҳамасола дар арафаи иду ҷашнҳои миллию давлатӣ аз ҷониби Пешвои миллат муҳтарам Эмомалӣ Раҳмон ба ятимону бепарасторон, маъюбону барҷомондагон, оилаҳои бесаробон ва ниёзманди ҷомеа кумакҳои моддӣ ва туҳфаҳо расонида мешаванд.
Ин навбат туҳфаҳои Сарвари раъиятпарвару инсондӯсти Тоҷикистон, ки аз либоси зимистонаи мактабӣ ва шириниҳо иборат мебошад, ба тарбиятгирандагони «Мактаб-интернати ҷумҳуриявӣ барои кӯдакони ятим дар шаҳри Кӯлоб» дастрас гардид.
Туҳфаҳои Сарвари давлат муҳтарам Эмомалӣ Раҳмон аз ҷониби намояндагони Дастгоҳи иҷрояи Президенти Ҷумҳурии Тоҷикистон ба тарбиятгирандагони «Мактаб-интернати ҷумҳуриявӣ барои кӯдакони ятим дар шаҳри Кӯлоб» расонида шуданд. Ҳамчунин туҳфаҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба тарбиятгирандагони «Мактаб-интернати ёрирасони 1 шаҳри Кӯлоб» низ дастрас гардиданд.
Ҳамзамон кумак ва туҳфаҳои Президенти Ҷумҳурии Тоҷикистон муҳтарам Эмомалӣ Раҳмон ба тарбиятгирандагони Мактаб-интернати ба номи Эргаш Ямоқови ноҳияи Шаҳритус расонида шуданд. Инчунин ба тарбиягирандагони Мактаб-интернати ҷумҳуриявии кӯдакони нобино ва Мактаб-интернати ҷумҳуриявии низомаш махсус, воқеъ дар шаҳри Ҳисор туҳфаҳои Пешвои миллат тақдим гардиданд. Туҳфаҳои идонаи Сарвари давлат ба тарбиятгирандагони Муассиса-интернати ҷумҳуриявии кӯдакони ятим дар ноҳияи Шамсиддини Шоҳин ҳам дастрас шуданд.
Ҳамзамон туҳфаҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба тарбиятгирандагони Муассисаи давлатии таълимии «Мактаб – интернати ҷумҳуриявии кӯдакони ятими ноҳияи Сангвор», ба тарбиятгирандагони Мактаб – интернати ҷумҳуриявии кӯдакони ятими ноҳияи Рашт ва тарбиятгирандагони Мактаб — интернати ҷумҳуриявии кӯдакони ятими ноҳияи Нуробод тақдим гардиданд.
Инчунин ба тарбиятгирандагони «Мактаб – интернати ҷумҳуриявии кӯдакони ятими ноҳияи Ҷалолиддини Балхӣ», «Мактаб – интернати ҷумҳуриявии кӯдакони ятими ноҳияи Ёвон» ва «Мактаб – интернати ҷумҳуриявии кӯдакони ятими ноҳияи Рӯшон» туҳфаҳои Пешвои миллат дастрас шуданд.
АКС: АМИТ «Ховар»
Сафари Корвони «Навои модарони ваҳдатсаро» ба шаҳру ноҳияҳои Тоҷикистон оғоз шуд
Имсол дар Тоҷикистон чанд дармонгоҳи нав сохта шуд?
Имсол дар истироҳатгоҳи беруназшаҳрии «Шарора» 720 нафар кӯдакону наврасон таътили худро босамар мегузаронанд
ТАЪТИЛИ БОФАРОҒАТ. Имсол 1000 нафар кӯдаку наврас ба истироҳатгоҳи беруназшаҳрии «Зимчуруд» ҷалб мегарданд
Дар Тоҷикистон даври сеюми Форуми коршиносони Осиёи Марказӣ — Корея доир мешавад
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
