Бахшида ба 12-солагии таъсиси Палатаи ҳисоби Тоҷикистон ҳамоиш доир гардид
ДУШАНБЕ, 12.12.2023 /АМИТ «Ховар»/. Давоми се соли охир дар фаъолияти Палатаи ҳисоби Ҷумҳурии Тоҷикистон ислоҳоти куллӣ ба амал бароварда шуда, маҳорату дониш ва касбияти кормандон тағйир ёфт ва рӯ ба аудити мустақили берунаи мутобиқи стандартҳои байналмилалӣ ва талаботи замони муосир оварда шуд. Ҳамин тариқ, аз марҳилаи такмили заминаи меъёрӣ-ҳуқуқӣ то ба қисман рақамикунонии раванди аудити мустақил ба таври таҷрибавӣ ноил гардида, минбаъд нақшаи гузаронидани аудити фосилавӣ амалӣ мешавад. Дар ин хусус имрӯз Раиси Палатаи ҳисоби Ҷумҳурии Тоҷикистон зимни ҷаласа бахшида ба Рӯзи таъсисёбиии Палатаи ҳисоб баён дошт.
Қарахон Чиллазода иброз дошт, ки «самаранокии фаъолияти мақомоти олии аудити ҷумҳурӣ торафт бештар мешавад. Ин, албатта, ба торафт баланд шудани малака, тахассус ва салоҳияти кормандон вобастагӣ дорад. Бинобар ин, Палатаи ҳисоби Ҷумҳурии Тоҷикистон бо мақсади амалигардонии фаъолияти доманадор стандартҳои миллии аудитро бо назардошти таҷрибаи пешрафтаи стандартҳои байналмилалии мақоми олии аудит таҳия ва ҷорӣ намуда, ҳамчунин тартиби банақшагирӣ ва омода намудани ҳисобот аз натиҷаи аудитро амалӣ менамояд.
Моҳи июни соли равон Қонуни Ҷумҳурии Тоҷикистон «Дар бораи Палатаи ҳисоби Ҷумҳурии Тоҷикистон» дар таҳрири нав қабул шуд, ки он фаъолияти мақомотро ба танзим медарорад».
Гуфта шуд, ки Палатаи ҳисоб сол то сол робитаҳои байналмилалиро густариш дода, барои устувор намудани мавқеи Ҷумҳурии Тоҷикистон дар Созмони байналмилалии мақоми олии аудит (INTOSAI), Ташкилоти осиёии мақомоти олии аудит (ASOSAI) ва ғайра саъй менамояд. Бо ин мақсад бо ҳамтоён аз Федератсияи Русия, Қазоқистон, Узбекистон, Молдова, Эрон, Чин, Беларус, Покистон, Латвия, Афғонистон, Ҳиндустон ва Арабистони Саудӣ Созишномаи ҳамкорӣ ва Ёддошти тафоҳум ба имзо расонида шуд.
Палатаи ҳисоб ҳамкории дуҷониба ва бисёрҷонибаро дар доираи Шурои роҳбарони Мақомоти олии аудити давлатҳои аъзои Созмони ҳамкории Шанхай ва Иттиҳоди Давлатҳои Мустақил амалӣ намуда, солҳои 2020-2023 раёсати Шурои роҳбарони Мақомоти олии аудити Иттиҳоди Давлатҳои Мустақилро ба уҳда дошт. Соли 2025 баргузории ҷаласаи Шурои роҳбарони Мақомоти олии аудити Созмони Ҳамкории Шанхай дар пойтахти мамлакат – шаҳри Душанбе дар назар аст.
Ҳамкории мунтазами мутақобила бо ташкилоти гуфташуда ва мақомоти олии аудити дигар мамлакатҳо ба беҳтар гардидани самаранокии фаъолияти Палатаи ҳисоби Тоҷикистон мусоидат менамояд.
АКС: Палатаи ҳисоби Ҷумҳурии Тоҷикистон
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
