«БЕҲТАРИН ХИЗМАТЧИИ ДАВЛАТӢ АЗ ҲИСОБИ ЗАНОН». Имрӯз маросими ҷоизасупорӣ ба ғолибони озмуни ҷумҳуриявӣ баргузор гардид

Декабрь 2, 2023 13:23

ДУШАНБЕ, 02.12.2023 /АМИТ «Ховар»/.  Тавре  қаблан хабар додем, имрӯз, 2 декабр  бахшида ба 24-солагии Фармони Президенти Ҷумҳурии Тоҷикистон «Дар бораи тадбирҳои баланд бардоштани мақоми зан дар ҷомеа» конференсияи илмӣ-адабӣ  таҳти  унвони «Фармони тақдирсоз ва саҳми Пешвои миллат дар баланд бардоштани мақоми зан дар ҷомеа»  ва  маросими ҷоизасупорӣ ба  ғолибони Озмуни ҷумҳуриявии «Беҳтарин хизматчии давлатӣ аз ҳисоби занон» баргузор гардид.  Дар ин хусус АМИТ «Ховар» хабар медиҳад.

Дар ҳамоиш муовини Сарвазири Ҷумҳурии Тоҷикистон Матлубахон Сатториён, Раиси Кумитаи кор бо занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода, мушовири  Президенти Ҷумҳурии Тоҷикистон оид ба масъалаҳои кадрӣ Меҳрӣ Олимшо, Директори Агентии хизмати давлатии назди Президенти Ҷумҳурии Тоҷикистон  Ҷумъа Давлат ва намояндагони дигар вазорату идораҳо, инчунин  ғолибони озмун иштирок намуданд.

Раиси Кумитаи кор бо занон ва оила иброз намуд,  ки ҳоло дар 20 мақомоти марказӣ ва 16 мақомоти маҳаллии ҳокимияти давлатӣ ҳайати кормандон аз ҳисоби занон агар аз 30 фоиз боло бошад, аз шумораи умумии хизматчиёни давлатии амалкунанда 24,7 фоиз, аз ҷумла, кадрҳои роҳбарикунанда қариб 20 фоизро занону духтарон  ташкил медиҳанд. Инчунин занону духтарон дар соҳаи маорифи мамлакат беш аз 73%, тандурустӣ ва ҳифзи иҷтимоӣ- 71%, фарҳанг- 47%, алоқа- 25%, соҳаи бонкдорӣ- 39%, хизматрасонии иттилоотӣ- қариб 40%, соҳаи энергетика- 14,1%, алалхусус дар иншооти муҳими аср- НБО «Роғун»- 687 нафар ва дар корхонаҳои саноати сабук- 87,8 % занону духтарон фаъолияти пурсамар доранд.

Ин нишондиҳандаҳо аз фаъолияти пурсамари занону духтарони тоҷик дар рушди соҳаҳои мухталифи хоҷагии мамлакат шаҳодат медиҳанд.

Бо мақсади таъмини бештари иштироки занон дар ҳаёти сиёсӣ ва ҷамъиятӣ, ҷалби онҳо  ба раванди идоракунӣ ва қабули қарорҳо Кумита бо мақсади амалӣ намудани ҳадафҳои Стратегияи миллии рушди Ҷумҳурии Тоҷикистон- то соли 2030 ба 30 фоиз расонидани теъдоди хизматчиёни давлатӣ ва то ба 25 фоиз расонидани теъдоди кадрҳои роҳбарикунанда аз ҳисоби занон дар заминаи амалишавии Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони болаёқат барои солҳои 2022-2030 Озмуни ҷумҳуриявии «Беҳтарин хизматчии давлатӣ аз ҳисоби занон»-ро дар байни занону духтарони соҳаи хизмати давлатӣ баргузор намуд. Имрӯз дар фазои тантанавӣ маросими ҷоиза ва дипломсупорӣ ба ғолибони озмун доир мегардад.

Бояд гуфт, ки иштироки 211 хизматчии давлатии мақомоти марказӣ, мақомоти иҷроияи ҳокимияти давлатӣ ва худидоракунии шаҳраку деҳот аз ҳисоби занон дар даврҳои якуму дуюм, ки аз моҳи май то инҷониб идома дошт, қаноатманд буда, беҳтаринҳо, яъне 77 нафар ба даври ҷамъбастии озмун роҳхат гирифта, 52 нафар дар даври ниҳоии озмун иштирок намуданд, ки 28 нафари онҳо аз мақомоти марказӣ ва 24 нафар аз мақомоти иҷроияи ҳокимияти давлатӣ ва худидоракунии шаҳраку деҳот мебошанд. Аз рӯи натиҷаҳои баргузории даври ниҳоии озмун 27 нафар хизматчиёни давлатӣ аз ҳисоби занон ғолиби озмуни ҷумҳуриявӣ гардида, ба 25 нафар беҳтарин занону духтарони хизматчии давлатӣ ҷиҳати иштирок дар озмунҳои минбаъда тавсияҳо дода шуданд.

Муовини Сарвазири мамлакат тазаккур дод, ки бо назардошти муваффақият ва дастовардҳои занону духтарон дар замони соҳибистиқлолии мамлакат, ки бо ташаббус ва дастгириҳои Пешвои  миллат, Президенти Ҷумҳурии Тоҷикистон муҳтарам Эмомалӣ Раҳмон ба даст омаданд, ҳар яки моро зарур аст, ки сиёсати хирадмандонаи давлату Ҳукумати мамлакатро ҳамаҷониба дастгирӣ намуда, дар татбиқи ҳадафҳои созандаи мамлакат бо иштироки фаъолона дар ҳаёти сиёсӣ, иқтисодӣ, иҷтимоӣ ва фарҳангии давлатӣ, тарбияи фарзандони худогоҳу худшинос, ватанпарасту дорои ҳувияти баланди миллӣ саҳми боз ҳам назаррас гузорем.

Ҳамзамон дигар иштирокчиёни конференсия ибрози андеша намуданд.

Дар охир ба ғолибони Озмуни ҷумҳуриявии «Беҳтарин хизматчии давлатӣ аз ҳисоби занон»  диплом ва мукофотҳо супорида шуданд.

София ШОИК,
Тоҳир САИД (АКС)

АМИТ «Ховар»

Декабрь 2, 2023 13:23

Хабарҳои дигари ин бахш

«ОИЛАИ НАМУНАВӢ». Таҳти ин унвон дар Тоҷикистон озмуни ҷумҳуриявӣ баргузор мегардад
«ДАСТИ ДУОИ МОДАР». Дар Душанбе бо иштироки занон-ходимони давлатӣ, фаъолони арсаи сиёсату ҷомеа ва собиқадорони меҳнат ҳамоиши идона доир гардид
Дар моҳи март сокинони Тоҷикистонро чӣ гуна ҳаво интизор аст?
1 МАРТ-РӮЗИ ҶАҲОНИИ МУДОФИАИ ГРАЖДАНӢ. Тоҷикистон соли 2016 узви Созмони байналмилалии мудофиаи гражданӣ гардид
Маркази тадқиқоти стратегӣ ва ЮНИСЕФ вобаста ба пажуҳиши осебпазирӣ ва хатарҳои мансуб ба наврасон ҳамкорӣ менамоянд
Дар Хуҷанд даври шаҳрии Озмуни ҷумҳуриявии «Кадбонуи беҳтарин» баргузор гардид
МАДАНИЯТИ ШАҲРНИШИНӢ. Дар Хатлон нисбат ба онҳое, ки сабабгори ифлосшавии муҳити зист мегарданд, тадбирҳои қонунӣ меандешанд
Дар Душанбе таҷрибаи мусбати ҳамкории коршиносии минтақавӣ ва густариши он баррасӣ шуд
Дар Кумитаи ҳолатҳои фавқулода ва мудофиаи граждании Тоҷикистон бо намояндагони якчанд ниҳоди хориҷӣ мулоқот доир шуд
Дар Хатлон дар самти ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
Дар шаҳри Гулистон озмуни «Кадбонуи беҳтарин» баргузор шуд
ГРАНТИ ПРЕЗИДЕНТИ ТОҶИКИСТОН ДАР СОЛИ 2024. Вазорати меҳнат, муҳоҷират ва шуғли аҳолӣ ҳунармандонро барои дарёфти ин грант ба озмун даъват менамояд