БОБОҶОН ҒАФУРОВ-БАЁНГАРИ ТАЪРИХУ ФАРҲАНГИ МИЛЛАТ. Дар Бадахшон конференсияи ҷумҳуриявии илмӣ-амалӣ баргузор гардид

ДУШАНБЕ, 13.12.2023 /АМИТ «Ховар»/. Дар филиали Муассисаи давлатии «Донишкадаи ҷумҳуриявии такмили ихтисос ва бозомӯзии кормандони соҳаи маориф» дар Вилояти Мухтори Кӯҳистони Бадахшон дар мавзуи «Бобоҷон Ғафуров-баёнгари таъриху фарҳанги миллат» бо иштироки омӯзгорону олимони донишкада, кормандони раёсати маорифи вилоят ва омӯзгорони муассисаҳои таҳсилоти миёнаи умумии шаҳру ноҳияҳои вилоят конференсияи ҷумҳуриявии илмӣ-амалӣ баргузор гардид. Дар ин хусус АМИТ «Ховар» бо истинод ба ин донишкада хабар медиҳад.

Дар конференсия мудири шуъбаи рушди иҷтимоӣ ва робита бо ҷомеаи дастгоҳи раиси вилоят Ғолиб Ниятбеков дар мавзуи «Хизмати Бобоҷон Ғафуров дар рушди илми тоҷик» сухан гуфта, саҳм ва хизматҳои арзандаи академикро дар рушду нумуи илми тоҷик бесобиқа унвон намуд.

Дар ҳамоиш ҳамзамон дар мавзуъҳои «Вассофони олам андар дар васфи Бобоҷон Ғафуров», «Масъалаи забоншиносии муқоисавӣ-таърихӣ дар китоби «Тоҷикон» ва аҳамияти он», «Бобоҷон Ғафуров- олими барҷастаи Шарқ», «Бобоҷон Ғафуров- муаррифи миллати тоҷик», «Бобоҷон Ғафуров- Қаҳрамони Тоҷикистон»  ва «Бобоҷон Ғафуров-эҳёгари худшиносии миллии тоҷикон» маърузаҳои пурмазмун  пешниҳоди ҳозирин гардиданд.

АКС: Муассисаи давлатии «Донишкадаи ҷумҳуриявии такмили ихтисос ва бозомӯзии кормандони соҳаи маориф» дар Вилояти Мухтори Кӯҳистони Бадахшон