Дар Душанбе бахшида ба Рӯзи байналмилалии мубориза бар зидди коррупсия ҳамоиш доир шуд

Декабрь 8, 2023 17:46

ДУШАНБЕ, 08.12.2023 /АМИТ «Ховар»/. Имрӯз бо ташаббуси Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар Донишгоҳи давлатии омӯзгории Тоҷикистон ба номи Садриддин Айнӣ бахшида ба Рӯзи байналмилалии мубориза бар зидди коррупсия, ки ба 9 декабр рост меояд, ҳамоиши оммавӣ баргузор гардид.

Тавре ба АМИТ «Ховар» дар Агентии назорати давлатии молиявӣ ва мубориза бо коррупсия хабар доданд, мақсади асосии чорабинӣ- ин баланд бардоштани мафкураи зиддикоррупсионӣ ва маърифати ҳуқуқии аҳли ҷомеа, пешгирӣ намудани содиршавии ҳуқуқвайронкуниҳои коррупсионӣ, таъмини иҷрои қонунҳо ва барномаҳои давлатии зиддикоррупсионӣ мебошад.

Дар ҳамоиш вобаста ба аҳамияти Рӯзи байналмилалии мубориза бар зидди коррупсия, оқибатҳои хисороти ин зуҳуроти манфию хатарзо ба амнияти иқтисодии мамлакат ва самтҳои мухталифи сиёсати зиддикоррупсионии Ҷумҳурии Тоҷикистон ибрози андеша шуд.

Иштирокчиён инчунин дар мавзуъҳои «Сиёсати зиддикоррупсионии Ҷумҳурии Тоҷикистон», «Муқовимат бо фасод – омили рушд» ва «Нақши ҷавонон дар муқовимат ба коррупсия» маъруза ироа намуданд.

Бояд гуфт, ки баргузор намудани чунин чорабиниҳо ба пешгирӣ намудани содиршавии ҳуқуқвайронкуниҳои коррупсионӣ ва дар маҷмуъ иҷрои санадҳои меъёрию ҳуқуқии зиддикоррупсионӣ заминаи мусоид фароҳам оварда, ба паст гардидани сатҳ ва шиддати  коррупсия мусоидат менамояд.

Дар фарҷом иштирокчиён дар доираи маърузаҳои ироашуда мубодилаи афкор намуда, паҳлуҳои гуногуни зуҳуроти коррупсияро мавриди муҳокима қарор доданд. 

АКС: Агентии назорати давлатии молиявӣ ва мубориза бо коррупсияи Ҷумҳурии Тоҷикистон

Декабрь 8, 2023 17:46

Хабарҳои дигари ин бахш

Дар Кӯлоб даври шаҳрии озмуни «Кадбонуи беҳтарин» баргузор гардид
МАСЛИҲАТИ МУТАХАССИС. Нӯшидани чойи кабуд барои бемории дилу рагҳо, санги гурда, саратон ва қанд манфиат дорад
ДОРУ АЗ МЕВАИ ДӮЛОНА. Онро устодони Донишгоҳи миллии Тоҷикистон бо мақсади пешгирии бемории дилу рагҳо тайёр кардаанд
Мулоқоти гурӯҳҳои топографӣ ва кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
МАСЛИҲАТИ МУТАХАССИС. Лимӯ давои бемориҳои онкологӣ, фишорбаландӣ, рӯдаю меъда ва асаб мебошад
Раиси шаҳри Душанбе Рустами Эмомалӣ бо вазъи як қатор кӯчаву хиёбонҳои пойтахт шинос гардиданд
ОГОҲӢ. Дар Тоҷикистон то 4 март хатари лағзиши тарма боқӣ мемонад
«Бояд дар амал, бо анҷоми хизматҳои шоиста ба манфиати халқу Ватан ватандӯстии хешро собит созем»,- бардошт аз ҳамоиш дар Кумитаи кор бо ҷавонон ва варзиш
«TASHKENT GRAND SLAM 2024». Дастаи мунтахаби Тоҷикистон оид ба ҷудо бо 1 медали тилло дар ҷойи сеюм қарор дорад
Дар минтақаи Краснодари Федератсияи Русия Фестивали ҷаҳонии ҷавонон оғоз гардид
«TASHKENT GRAND SLAM». Варзишгари Тоҷикистон Эмомалӣ Нуралӣ медали тилло ба даст овард
«ОИЛАИ НАМУНАВӢ». Таҳти ин унвон дар Тоҷикистон озмуни ҷумҳуриявӣ баргузор мегардад