Дар Душанбе Форуми якуми Тоҷикистон ва Чин оид ба таҳсилоти техникӣ баргузор гардид
ДУШАНБЕ, 13.12.2023 /АМИТ «Ховар»/. Имрӯз дар Донишгоҳи техникии Тоҷикистон ба номи академик Муҳаммад Осимӣ Форуми якуми Тоҷикистон ва Чин оид ба таҳсилоти техникӣ баргузор гардид. Дар ин хусус ба АМИТ «Ховар» дар Донишгоҳи техникӣ хабар доданд.
Дар доираи форум Созишномаи таълимии муштарак дар Маркази Лубан аз рӯйи ихтисосҳои геодезияи муҳандисӣ ва таъмини гармӣ байни Донишгоҳи техникии Тоҷикистон ба номи академик Муҳаммад Осимӣ, Донишгоҳи касбӣ — техникии идораи сохтмони шаҳрии Тянҷини Чин ва Донишгоҳи шаҳрсозии Тянҷини Чин дар зинаи бакалавриат ва магистратура ба имзо расонида шуд.
Созишнома дар таҳкими минбаъдаи ҳамкории Ҷумҳурии Тоҷикистон ва Ҷумҳурии Мардумии Чин дар соҳаи таҳсилоти олӣ, таҳсилоти касбӣ ва технологияҳои амалӣ, инчунин баҳри таҳкими дӯстии халқҳои ду мамлакати дӯст, Донишгоҳи касбӣ-техникии идораи шаҳрсозии Тянҷин, Донишгоҳи шаҳрсозии Тянҷин ва Донишгоҳи техникии Тоҷикистон ба номи академик Муҳаммад Осимӣ заминаи мусоид фароҳам меорад.
Бояд гуфт, ки Маркази таҷрибавӣ ва таълимоти касбии Тоҷикистон ва Чин – коргоҳи Лубан дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон дар ҳамкорӣ бо Донишгоҳи касбӣ — техникии идораи сохтмони шаҳрии Тянҷини Чин бунёд гардидааст.
Коргоҳи Лубан — бренди машҳури байналмилалии мубодилаи фарҳангӣ байни Ҷумҳурии Мардуми Чин ва мамлакатҳои хориҷӣ буда, аз маҷмуи марказҳои таълимӣ-амалии ихтисосҳои муҳандисӣ иборат мебошад, ки он дар беш аз 20 мамлакат — Осиё, Аврупо, Африқо ва Канада бунёд шудааст.
Коргоҳи Лубан дар Тоҷикистон аввалин иншооти тарҳи зерин дар Осиёи Марказӣ ба ҳисоб рафта, ба татбиқи ин лоиҳа таваҷҷуҳи роҳбарони олии ҳарду мамлакат назаррас мебошад. Маркази таҷрибавӣ ва таълимоти касбии Тоҷикистон ва Чин – коргоҳи Лубан аз 2 маркази таълимӣ-амалии муҳандисӣ: Маркази таълимӣ- амалии геодезия ва картографияи интеллектуалӣ ва Маркази омӯзиши амалии энергияи «сабз» иборат мебошад.
Ҳамчунин дар доираи форум бо мақсади пайванди илм ва истеҳсолот, татбиқи таҳсилоти дуалӣ ва гузаронидани дарсҳои озмоишӣ – амалӣ филиали Маркази амалӣ ва таҷрибавии Лубани Донишгоҳи техникии Тоҷикистон ба номи академик Муҳаммад Осимӣ дар Маркази барқу гармидиҳии №2-и шаҳри Душанбе таъсис дода шуд.
АКС: Донишгоҳи техникии Тоҷикистон ба номи академик Муҳаммад Осимӣ
ИСТИҚЛОЛИЯТ ВА РУШДИ МАОРИФ. Ҳаҷми маблағгузории соҳаи маориф давоми 25 соли охир 224 баробар зиёд гардид
Дар Сеул оид ба сиёсати рушди сармояи инсонӣ дар соҳаи зеҳни сунъӣ форуми байналмилалӣ доир гардид
Байни Вазорати маориф ва илм ва Маркази байналмилалии иртиботи фарҳангии Малайзия Ёддошти тафоҳум ба имзо расид
Маркази барномаҳои байналмилалӣ қабули ҳуҷҷатҳои довталабонро ба донишгоҳҳои Узбекистон оғоз намуд
ИСТИҚЛОЛИЯТ ВА РУШДИ МАОРИФ. Дар вилояти Суғд 767 иншооти соҳаи маориф ба истифода дода шудааст
Дар муассисаҳои таҳсилоти миёнаи умумии Тоҷикистон зиёда аз 1 миллион китоби узбекӣ мавҷуд аст
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
