Дар Душанбе тақвияти ҳамкорӣ байни Тоҷикистон ва Туркия дар соҳаи авиатсияи гражданӣ баррасӣ гардид
ДУШАНБЕ,14.12.2023/АМИТ «Ховар»/. Тоҷикистон ва Туркия ҳамкориро дар бахши авиатсияи гражданӣ густариш медиҳанд. Дар ин иртибот дар Душанбе мулоқоти директори Агентии авиатсияи граждании назди Ҳукумати Ҷумҳурии Тоҷикистон Дилшод Сафарзода бо Сафири Ҷумҳурии Туркия дар Ҷумҳурии Тоҷикистон Умут Аҷар, директори минтақавии Агентии Туркия оид ба ҳамкорӣ ва ҳамоҳангсозӣ дар Тоҷикистон (ТИКА) Иброҳим Этҳем Унал баргузор гардид. Дар ин хусус АМИТ «Ховар» бо истинод ба Агентии авиатсияи граждании назди Ҳукумати Ҷумҳурии Тоҷикистон иттилоъ медиҳад.
Тибқи иттилои манбаъ, дар мулоқот таъкид шуд, ки авиатсияи гражданӣ яке аз соҳаҳои муҳими ҳамкории байни ду давлат маҳсуб ёфта, он пайваста рушду такомул меёбад.
Ҳамзамон дар мулоқот имзо намудани Ёддошти тафоҳуми нав байни мақомоти авиатсионӣ, масъалаҳои зиёд намудани шумораи парвозҳои мусофиркашонӣ, ифтитоҳи парвозҳои боркашонӣ, паст намудани нархи сӯзишворӣ ва хизматрасонии рӯизаминӣ дар Фурудгоҳи байналмиллалии Душанбе баррасӣ гардиданд.
Таъкид шуд, ки парвозҳои боркашонӣ ҷиҳати рушди ҳамкории иқтисодӣ заминаи мусоидро фароҳам меорад.
Директори минтақавии Агентии Туркия оид ба ҳамкорӣ ва ҳамоҳангсозӣ дар Тоҷикистон изҳор дошт, ки дар оянда дар доираи ҳамкорӣ дар соҳаи авиатсия барои пешрафти соҳа, аз ҷумла барои бозомӯзии мутахассисони соҳа, омӯзиши мутахассисони фурудгоҳҳо, мубодилаи таҷрибаи давлати Туркия ва дигар амалҳо мусоидат менамояд.
АКС: Агентии авиатсияи граждании назди Ҳукумати Ҷумҳурии Тоҷикистон
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Дар ноҳияи Мастчоҳ тадбирҳои агротехникӣ барои ҷамъоварии ҳосили зироат идома доранд
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
Дар ҷаласаи Кумитаи байнидавлатии авиатсионӣ ифтитоҳи хатсайрҳои нави ҳавоӣ байни Тоҷикистон ва кишварҳои ИДМ баррасӣ шуд
Раванди татбиқи барномаи иммунопрофилактика ва Консепсияи иқтисоди рақамӣ баррасӣ шуд
Хати магистралии алоқаи «Душанбе–Хоруғ–Қулма» то охири моҳи сентябр ба истифода дода мешавад
Нахустин гурӯҳи роҳбаладони «Shohin Airlines» барои гузаштани омӯзиши касбӣ ба Turkish Aviation Academy фиристода шуд
Дар Душанбе оид ба ҳифзи пиряхҳо дар шароити тағйирёбии иқлим конфронси байналмилалӣ доир шуд
35 СОЛИ СОҲИБИСТИҚЛОЛИИ ТОҶИКИСТОН. Шумораи корхонаҳои парандапарварӣ қариб 11 маротиба бештар шуд
