Дар хатсайрҳои автобусҳои мусобирбари шаҳри Бохтар низоми чиптаҳои электронӣ ҷорӣ мешавад
ДУШАНБЕ, 16.12.2023. /АМИТ «Ховар»/. Тибқи лоиҳаи «Рушди нақлиёти ҷамъиятии вилояти Хатлон» дар шаҳри Бохтар низоми пардохти электронии хизматрасонӣ дар хатсайрҳои дохилишаҳриву беруназшаҳрӣ фаъол мешавад. Вобаста ба ташкили низоми ҳамгироишудаи хариду фурўши чиптаҳои электронӣ барои дохили автобусҳо, то имрӯз аз ҷониби ҶДММ «Авесто-Гурӯҳ» дар асоси қарордод 40 ҳазор кортҳои нақлиётӣ фармоиш дода шудааст. Дар ин хусус 14 декабри соли равон зимни муаррифии татбиқи лоиҳаи «Рушди нақлиёти ҷамъиятии вилояти Хатлон», ки бо иштироки Президенти Ҷумҳурии Тоҷикистон муҳтарам Эмомалӣ Раҳмон доир гардид, иттилоъ дода шуд.
Тавре қаблан АМИТ «Ховар» хабар дод, дар доираи сафари кории Сарвари давлат муҳтарам Эмомалӣ Раҳмон ба вилояти Хатлон бинои маъмурии Корхонаи воҳиди давлатии «Бохтарнақлиётхизматрасон» -и назди Мақомоти иҷроияи ҳокимияти давлатии шаҳри Бохтар ба истифода дода шуда, ки дар он 130 нафар шаҳрвандон ба ҷойи корӣ доимӣ таъмин шуданд.
Аз 41 воситаи нақлиёти муссофирбари ба корхона воридгардида, 11 адад автобус дар хатсайри Бохтар-Кӯшониён-Вахш фаъолиятро оғоз намуда, ҳамарӯза дар ин хатсайр аз 3500 то 4000 мусофир аз хизматрасонии босифати автобусҳо истифода мебаранд.
Бо татбиқ шудани лоиҳаи «Рушди нақлиёти ҷамъиятии вилояти Хатлон» сокинони шаҳри Бохтар ва ноҳияиҳои наздики он акнун аз автобусҳои хуштарҳу замонавии истеҳсоли ватанӣ истифода мебаранд.
Автобусҳои нав аз лиҳози суръат, вазни кам ва кўтоҳ будан барои фаъолият дар кӯчаҳои шаҳри Бохтар ва шаҳру ноҳияҳои атроф мусоид мебошанд. Дар баробари ҳамин автобусҳои нав бо таҷҳизоти гармию хунукидиҳанда ва воситаҳои вориду хориҷшавӣ барои маъюбон муҷаҳҳаз гардонида шудаанд.
Корхонаи воҳиди давлатии «Бохтарнақлиётхизматрасон» баҳри боло бурдани сатҳи хизматрасонӣ ба аҳолии вилояти Хатлон, фаъол кардани хатсайрҳои нав ба дигар минтақаҳои ҷумҳурӣ, ҳамлу нақли бехатари мусофирон ва хизматрасонии шоиста муваззаф мебошад.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
