Дар Канадаи Арктикӣ аз ҳавопаймои суқутнамуда 10 нафар пайдо ва наҷот дода шуд
ДУШАНБЕ, 29.12.2023 /АМИТ «Ховар»/. Низомиён тавонистанд 10 нафар зарардидаро, ки дар ҳавопаймои суқутнамудаи Канадаи Арктикӣ ҳузур доштанд, пайдо намуда, наҷот диҳанд. Тавре АМИТ «Ховар» бо истинод ба агентии ТАСС иттилоъ медиҳад, дар ин хусус шабакаи телевизионии CTV хабар додааст.
Тибқи маълумоти манбаъ, ҳавопаймои хурд шоми чоршанбе тақрибан дар километри 300-уми самти шимолу шарқи маҳаллаи Йеллоунайф (ҳудудҳои шимолу ғарбии Канадаи Арктикӣ) суқут намуд, ки дарҳол пас аз қабул шудани бонги кумак амалиёти ҷустуҷӯӣ оғоз ёфта, ба он низомиёни Канада ҷалб гардиданд.
Иттилоъ дода мешавад, ки ҳашт нафар захмдор шуда, ду нафари онҳо ҷароҳатҳои ҷиддӣ бардоштаанд. Дар дохили ҳавопаймо ду аъзои экипаж ва ҳашт мусофир будаанд. Сабабҳои садама муайян мешаванд.
Азиза ИКРОМ,
АМИТ «Ховар»
АКС аз манбаъҳои боз
Имрӯз дар ноҳияҳои алоҳидаи Тоҷикистон омадани сел пешгӯӣ мешавад
Эъломияи Душанбе оид ба инноватсия ва технологияҳои рақамӣ қабул гардид
Ҷаласаи якуми иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
