Дар Коллеҷи омӯзгории шаҳри Кӯлоб бо кормандони мақомоти қудратӣ вохӯрӣ баргузор шуд

Декабрь 31, 2023 17:10

 КӮЛОБ, 31.12.2023 /АМИТ «Ховар»/. Дар Коллеҷи омӯзгории Донишгоҳи давлатии Кӯлоб ба номи Абуабдуллоҳи Рӯдакӣ вохӯрии кормандони мақомоти қудратии минтақаи Кӯлоб бо кормандону омӯзгорон ва донишҷӯён баргузор шуд. Дар ин хусус ба хабарнигори минтақавии АМИТ «Ховар» Сулаймон Холзода дар Коллеҷи омӯзгорӣ хабар доданд.

Дар вохӯрӣ гуфта шуд, ки Ҳукумати Ҷумҳурии Тоҷикистон зери сиёсати дурандешона ва оқилонаи Президенти Ҷумҳурии Тоҷикистон муҳтарам Эмомалӣ Раҳмон нисбат ба идеологияи терроризм ва ифротгароӣ вокунишҳои шадид нишон дода, барои аз байн бурдани ин падидаи хатарнок мудом дар мубориза аст.

Сиёсати пешгирифтаи Президенти Тоҷикистон дар амри таҳкими пояҳои сулҳу ваҳдат, ҳифзи арзишҳои инсонӣ, муборизаи беамон бо зархаридони хориҷӣ имкон фароҳам овард, ки мардуми шарифи мо боз ҳам муттаҳидтар гашта, ҷиҳати таъмини амнияти миллӣ, ки яке аз масъалаҳои муҳимтарини ҷомеа маҳсуб мешавад, ба муқобили ифротгароён муборизаи беамон баранд ва оромию сулҳу субот дар ҷумҳурӣ таъмин шавад.

Президенти Ҷумҳурии Тоҷикистон муҳтарам Эмомалӣ Раҳмон зимни яке аз суханрониҳо таъкид намуданд, ки «мо бояд ҳамеша дар назар дошта бошем, ки террористро ба худӣ ва бегона, ё хубу бад ҷудо намудан мумкин нест. Баръакс, тавре, ки ман борҳо таъкид намуда будам, террорист ватан, дин, мазҳаб ва миллат надорад».

Дар мавзуъҳои «Терроризм, эктремизм ва хатари он ба ҷомеаи муосир», «Муқовимат бо коррупсия- кори дастҷамъӣт» аз ҷониби  намояндагони шуъбаи ноболиғону ҷавонон дар шаҳри Кӯлоб ва Бахши муқовимат бо коррупсия маърузаҳо манзур шуданд.

АКС: Коллеҷи омӯзгории Донишгоҳи давлатии Кӯлоб ба номи Абуабдуллоҳи Рӯдакӣ

Декабрь 31, 2023 17:10

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид