Дар ҳошияи COP28 ташаббусҳои Тоҷикистон оид ба тағйирёбии иқлим баррасӣ шуданд
ДУШАНБЕ,12.12.2023 /АМИТ «Ховар»/. Тоҷикистон тавассути чорабиниҳо, аз қабили Даҳсолаи байналмилалии амал «Об барои рушди устувор, солҳои 2018-2028» ва Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» дар сатҳи ҷаҳонӣ ва минтақавӣ ба масъалаҳои об ва тағйирёбии иқлим авлавият додааст. Тавассути ин ташаббусҳо Тоҷикистон пешсафиии худро дар масъалаҳои экологӣ ва тағйирёбии иқлим нишон дод. Чунин таъкид шуд дар мулоқоти Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо роҳбари ҳайати Арабистони Саудӣ дар COP28, вазири энергетикаи Арабистони Саудӣ, шоҳзода Абдулазиз ибни Салмон Ал-Сауд, ки дар шаҳри Дубайи Амороти Муттаҳидаи Араб баргузор шуд.
Тавре ба АМИТ «Ховар» дар Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ доданд, Баҳодур Шерализода ҳамчунин доир ба қатъномаи Маҷмаи Умумии Созмони Милали Муттаҳид оид ба Соли байналмилалии ҳифзи пиряхҳо эълон намудани соли 2025 маълумот дода, иброз дошт, ки «тавре Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар нишасти сарони давлатҳои ҷаҳон дар COP-28 баён доштанд, Тоҷикистон аввалин шуда, ба Хазинаи байналмилалӣ оид ба ҳифзи пиряхҳо саҳми молиявӣ мегузорад».
Дар мулоқот ҷонибҳо масъалаҳои вобаста ба ташаббусҳои ҳифзи муҳити зист ва иқлимро баррасӣ намуданд. Баҳодур Шерализода уҳдадориҳои Тоҷикистонро дар мубориза бо тағйирёбии иқлим ва талошҳои он дар бахши ҳифзи муҳити зист таъкид намуд. Ҳарду ҷониб инчунин раванди гуфтушунидро оид ба тағйирёбии иқлим баррасӣ намуда, аҳамияти дарёфти роҳҳои ҳалли масъалаҳои боқимондаро дар ҷараёни гуфтушунид дар COP-28 таъкид намуданд. Тоҷикистон ва Арабистони Саудӣ бори дигар аҳдномаи худро ҷиҳати ҳамкорӣ бо дигар давлатҳо ҷиҳати ҳалли мушкилоти рӯзафзуни иқлимии ҷаҳон, аз ҷумла дар доираи Шурои Хазинаи Иқлими Сабз баён доштанд.
Мулоқоти Баҳодур Шерализода ва Шоҳзода Абдулазиз бин Салмон Ал-Сауд аҳамияти ҳамкории байналмилалӣ дар мубориза бо тағйирёбии иқлимро таъкид менамояд. Бо мубодилаи таҷриба ва ҳамоҳангсозии кӯшишҳо давлатҳо метавонанд дар амалҳои иқлимии худ ҳадафҳои бештар ба даст оранд.
Ташаббусҳои Тоҷикистон оид ба тағйирёбии иқлим шаҳодати роҳбарӣ ва аҳдофи Тоҷикистон барои эҷоди рушд ва ояндаи устувор барои шаҳрвандон ва ҷомеаи ҷаҳонӣ мебошанд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Дар Душанбе Форуми байналмилалии нассоҷии Тоҷикистон – 2026 доир мегардад
РАШТ ДАР ДАВРОНИ СОҲИБИСТИҚЛОЛӢ. Мулоҳизаҳо оид ба нақши сиёсати давлатӣ дар рушди иқтисодию иҷтимоии ин ноҳия
Дар Тоҷикистон шумораи субъектҳои хоҷагидори амалкунанда беш аз 100 ҳазор зиёд гардидааст
Дар Тоҷикистон дар 25 соли охир ҳаҷми истеҳсоли маҳсулоти кишоварзӣ 122 баробар афзоиш ёфтааст
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
