Дар Танзания рушди ҳамкории Вазорати маориф ва илми Тоҷикистон бо Шарики глобалӣ баррасӣ гардид
ДУШАНБЕ, 06.12.2023 /АМИТ «Ховар»/. 5 декабр дар шаҳри Занзибари Танзания дар ҳошияи ҷаласаи дуюми Шурои директорони Шарики глобалӣ дар соҳаи маориф Вазири маориф ва илми Ҷумҳурии Тоҷикистон Раҳим Саидзода бо Президенти Шарики глобалӣ дар соҳаи маориф Ҷакая Киквете вохӯрӣ намуд, ки дар ҷараёни он ҷонибҳо густариши ҳамкории дуҷонибаро баррасӣ намуданд. Дар ин хусус ба АМИТ «Ховар» дар Вазорати маориф ва илми мамлакат хабар доданд.
Зимни вохӯрӣ ҷонибҳо оид ба масъалаҳои муҳими соҳаи маориф, махсусан рушди ҳамкории Вазорати маориф ва илми Ҷумҳурии Тоҷикистон ва Шарики глобалӣ дар соҳаи маориф табодули афкор намуданд.
Иброз гардид, ки Ҷумҳурии Тоҷикистон узви фаъоли Шарики глобалӣ дар соҳаи маориф дар ҳавзаи Осиёи Марказӣ мебошад.
Ҳамчунин дар ҷаласаи дуюми Шурои директорони Шарики глобалӣ дар соҳаи маориф, ки дар кори он вазирони маориф ва намояндагони давлатҳои шарик иштирок доранд, масъалаҳои Соли маориф дар Иттиҳоди Африқо эълон гардидани соли 2024, дастрасӣ ба таҳсил барои гурезагон ва маблағгузории лоиҳаҳо баррасӣ шуданд.
Ёдовар мешавем, ки дар ҳошияи ҷаласаи дуюми Шурои директорони Шарики глобалӣ Вазири маориф ва илми мамлакат бо намояндагони давлатҳову созмонҳои гуногун вохӯриҳои судманд анҷом медиҳад.
АКС: Маркази матбуоти Вазорати маориф ва илми Ҷумҳурии Тоҷикистон
Дар Душанбе ҷаласаи Шурои ҳамкорӣ дар соҳаи маорифи давлатҳои аъзои ИДМ доир шуд
Форуми байналмилалии «Ташаббусҳои Пешвои миллат ва уфуқҳои нави рушд» баргузор гардид
Хонандагони тоҷик дар олимпиадаи байналмилалӣ сазовори се ҷойи сеюм гардиданд
Бахшида ба Рӯзи Президенти Ҷумҳурии Тоҷикистон ҳамоиши илмӣ-амалӣ баргузор шуд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
ЯК РӮЗ ДАР БОҒЧА. Мураббӣ тарбиятгирандагонро бояд бо чеҳраи кушоду табассум ва суханони меҳрубонона истиқбол намояд
Дар Лондон омодагӣ ба аккредитатсияи байналмилалии муассисавию барномавӣ (International Quality Review — IQR) баррасӣ шуд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
8 нафар аз Донишгоҳи техникии Тоҷикистон ғолиби Озмуни ҷумҳуриявии «Илм–фурӯғи маърифат» гардиданд
