Дар Ёвон шуъбаи таваллудии Беморхонаи минтақавии №2 ба истифода дода шуд
ДУШАНБЕ, 16.12.2023 /АМИТ «Ховар»/. 15 декабр дар доираи сафари кории Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба вилояти Хатлон дар шаҳраки Ҳаёти Нави ноҳияи Ёвон шуъбаи таваллудии Беморхонаи минтақавии № 2 мавриди баҳрабардорӣ қарор дода шуд. Дар ин хусус АМИТ «Ховар» бо истинод ба шуъбаи иттилоотию таҳлилии дастгоҳи Раиси вилояти Хатлон хабар медиҳад.
Дар ифтитоҳи ин муассисаи тиббӣ Раиси вилояти Хатлон Давлаталӣ Саид, Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ва дигар масъулини соҳа иштирок намуданд.
Бояд гуфт, ки шуъбаи таваллудии Беморхонаи минтақавии № 2 дорои 6 кат, 9 ҳуҷра, аз ҷумла як ҳуҷраи қабул, як ҳуҷраи валодат, як ҳуҷраи эмгузаронӣ, як ҳуҷраи табиб, се ҳуҷра барои бистаркунонӣ, як ҳуҷраи озодакор, ташноб ва ҳаммом иборат буда, бо дастгирии мақомоти иҷроияи ҳокимияти давлатии ноҳия ва саҳми соҳибкорон бо харҷи беш аз 750 ҳазор сомонӣ бунёд гардидааст.
Илова ба маблағи корҳои сохтмонӣ аз ҳисоби маблағҳои буҷети маҳаллӣ дар ҳаҷми 176 ҳазор сомонӣ барои ин муассиса таҷҳизоти тиббӣ, аз ҷумла, автоклав, стсос, қуттӣ барои ёрии фаврӣ, яхдон ва дигар лавозимот харидорӣ шудааст. Пас аз ба истифода додани шуъбаи таваллуд 13 нафар табибон бо ҷойи кор таъмин гардиданд.
Шуъбаи таваллудии Беморхонаи минтақавии №2 дар шаҳраки Ҳаёти Нав метавонад ба сокинони ноҳияҳои ҳамсарҳад ба ноҳияи Ёвон, ноҳияҳои Хуросон ва Абдураҳмони Ҷомӣ низ хизмати тиббӣ расонад.
Ҳамчунин, дар ин ҷо нақшаи сохтмони Маркази саломатӣ барои 4300 нафар сокинон муаррифӣ шуд, ки дар оянда сохта, ба истифода дода мешавад.
АКС: Шуъбаи иттилоотию таҳлилии дастгоҳи раиси вилояти Хатлон
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
