Хонандагони муассисаҳои таълимии шаҳри Леваканд дар олимпиадаҳои фаннӣ соҳиби 18 медал ва 6 ҷои ифтихорӣ шуданд
ЛЕВАКАНТ, 10.12.2023. /АМИТ «Ховар»/. Соли 2023 хонандагони муассисаҳои таълимии шаҳри Леваканд дар олимпиадаҳои фаннӣ соҳиби 18 медал ва 6 ҷои ифтихорӣ гардиданд.
Тавре мудири бахши маорифи шаҳри Леваканд Ниёзалӣ Ашӯрзода ба мухбири минтақавии АМИТ «Ховар» Сулаймон Холзода иттилоъ дод, дар озмуни «Илм-фурӯғи маърифат» чор нафар то даври ҷумҳуриявӣ роҳхат гирифта, фаъолона иштирок намуданд. Дар озмуни «Тоҷикистон- Ватани азизи ман» ду хонандаи муассисаҳои таҳсилоти миёнаи умумии шаҳри Леваканд ҷои сеюмро гирифтанд ва дар озмуни «Фурӯғи субҳи доноӣ китоб аст» хонандаи Литсейи давлатии №1-и шаҳри Леваканд Шомита Давлатова сазовори ҷои ифтихорӣ гардид.
Дастгириҳои ҳамешагии Ҳукумати Ҷумҳурии Тоҷикистон дар бахши маорифи шаҳри Леваканд хуб ба назар мерасанд. Махсусан дар доираи татбиқи лоиҳаҳои сохтмон ва муҷаҳҳазгардонии мактабҳо дар шаҳри Леваканд таълимгоҳои наву замонавӣ қомат афрохтаанд, ки ба беҳтар гардидани таҳсилоти умумӣ, мутобиқ гардонидани талаботи низоми таҳсил ва баланд бардоштани сифати таҳсил мусоидати фаъол менамоянд.
Ниёзалӣ Ашӯрзода иброз дошт, ки дар даврони соҳибистиқлолӣ дар шаҳри Леваканд дар маҷмуъ чор муассисаи таълимӣ бо тамоми таҷҳизоти ҳозиразамон сохта, ба истифода дода шуд. Давоми як соли охир дар шаҳри Леваканд як муассисаи таълимии замонавӣ ва бисту як синфхонаи иловагӣ сохта, ба истифода шуд, ки ин ба муҳайё намудани шароити ҷои нишасти хонандагон мусоидат менамояд.
Имрӯзҳо тамоми мардуми шаҳри Леваканд аз ҷумла, кумитаи падару модарони ҳар муассисаҳои таълимӣ, шахсони саховатпеша, мақомоти иҷроияи ҳокимияти давлатии шаҳри Леваканд дар асоси дастуру супоришҳои Пешвои миллат рӯ ба ҷониби маориф оварда, барои дастгирии омӯзгорону хонандагони муассисаҳои таълимӣ кумак мерасонанд.
Ҳамин гуна таваҷҷуҳ ва инфрасохтори маорифи шаҳри Леваканд буд, ки имконияти бо ҷои нишаст фаро гирифтани хонандагон беҳтар гардид. Дар аксар муассисаҳои таълимии шаҳри Леваканд кабинетҳои фаннӣ, озмоишгоҳ, толорҳои варзишӣ, ошхона ва китобхона бунёд шудаанд.
Чунин шароити арзандаи таҳсил ба зиёд шудани дастовардҳои устодону шогирдон замина фароҳам овард.
АКС: АМИТ «Ховар»
Натиҷаҳои озмуни тақсимоти давраи сеюми имтиҳонҳои марказонидаи дохилшавӣ муайян мегарданд
Даври ҷумҳуриявии озмуни «Мураббии сол — Тоҷикистон-2026» оғоз гардид
Эмомалӣ Раҳмон: «Муассисаи таълимии №6-и шаҳри Хоруғ ба номи шодравон Алишери Мирзонабот гузошта шавад»
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бинои нави муассисаи таҳсилоти миёнаи умумии №6-ро мавриди истифода қарор доданд
Солҳои охир теъдоди муассисаҳои таълимӣ дар Бадахшон ба таври бесобиқа афзоиш ёфтааст
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
