Ҳилолбӣ Қурбонзода дар Конференсияи байналмилалӣ бахшида ба анҷоми раёсати Қазоқистон дар Муколамаи занони давлатҳои Осиёи Марказӣ иштирок намуд
ДУШАНБЕ, 05.12.2023 /АМИТ «Ховар»/. Раиси Кумитаи кор бо занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода дар Конференсияи байналмилалӣ бахшида ба анҷоми раёсати Ҷумҳурии Қазоқистон дар Муколамаи занони давлатҳои Осиёи Марказӣ таҳти унвони «Натиҷаҳои роҳбарии Ҷумҳурии Қазоқистон дар Муколамаи занони Осиёи Марказӣ дар соли 2023», ки аз 3 то 4 декабри соли равон дар шаҳри Остонаи Ҷумҳурии Қазоқистон баргузор гардид, иштирок намуд. Дар ин хусус АМИТ «Ховар» бо истинод ба Кумитаи кор бо занон ва оилаи назди Ҳукумати Ҷумҳурии Тоҷикистон хабар медиҳад.
Бояд гуфт, ки соли 2022 роҳбарони ниҳодҳои вобаста ба ҳалли масоили марбут ба занон ва оилаҳои давлатҳои Осиёи Марказӣ ва Русия эъломияеро имзо намуданд, ки дар он уҳдадории занон барои иштироки бештар дар ҳалли масъалаҳои сатҳи байналмилалӣ эълом шудааст.
Имзои санад 13 май дар Ашқобод зимни нишасти нахустин Муколамаи занон дар Осиёи Марказӣ ва Русия доир гардид, ки дар он раиси Кумитаи кор бо занон ва оилаи назди Ҳукумати Ҷумҳурии Тоҷикистон Ҳилолбӣ Курбонзода иштирок дошт.
Дар ин ҳуҷҷат 11 банд мавҷуд аст ва 3-тои аввал ба омодагии занони хизматчии давлатӣ барои иштироки фаъолона дар татбиқи Ҳадафҳои Рушди Устувор то соли 2030, саҳм гузоштан дар суботи ҷаҳонӣ ва ҳифзи муҳити зист бахшида шудаанд.
Қисме аз ин санад ба фаъолияти роҳбарони Тоҷикистон, Туркманистон, Қазоқистон, Узбекистон, Қирғизистон ва Русия дар заминаи ҳимоят аз заноне, ки тиҷорати шахсии худро доранд, баҳои баланд медиҳад.
Дар доираи эъломия ба аҳамияти заҳматҳои занон дар соҳаи ҳифзи мероси фарҳангии халқҳои давлатҳои дахлдор, рушди илму маориф, соҳаи тандурустӣ, санъат ва соҳаи варзиш таваҷҷуҳи махсус зоҳир шудааст.
Санад ҳамчунин фаъолсозии ҳамкориро дар мубориза бо оқибатҳои пандемия пешниҳод менамояд.
АКС: Кумитаи кор бо занон ва оилаи назди Ҳукумати Ҷумҳурии Тоҷикистон
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
