Иштирокдорони Форуми молиявӣ масъалаҳои вобаста ба ҳамкории минтақавӣ ва дастрасӣ ба бозорҳои сармояро муҳокима намуданд
ДУШАНБЕ, 09.12.2023/АМИТ «Ховар»/. Дар шаҳри Душанбе давоми ду рӯз таҳти унвони «Ҳамкории минтақавӣ-ҳамчун омили таҳкими инфросохтори молиявӣ ва дастрасӣ ба бозорҳои сармоя» форуми молиявӣ баргузор гардид. Дар ин хусус ба АМИТ «Ховар» дар Бонки миллии Тоҷикистон хабар доданд.
Тибқи иттилои манбаъ, иштирокдорони Форуми молиявӣ масъалаҳои марбут ба таҳкими ҳамкории минтақавӣ, тақвияти инфрасохторӣ молиявӣ, инчунин дастарсӣ ба бозорҳои сармояро баррасӣ намуданд.
Дар Форуми молиявӣ роҳбарияти Бонки миллии Тоҷикистон, мудирони GIZ- Агентии ҳамкории байналмилалии Олмон дар Тоҷикистон, Дафтари Швейтсария, Консули консулгарии Швейтсария дар Тоҷикистон, намояндаи доимии БАТР дар Тоҷикистон, намояндаи доимии Корпоратсияи байналмилалии молиявӣ дар Тоҷикистон ва дигар шарикони рушд иштирок ва ибрози андеша намуданд.
Дар доираи Форуми молиявӣ аз ҷониби роҳбарияти Бонки миллии Тоҷикистон ба кормандони ташкилотҳои қарзии молиявӣ нишони Аълочии маблағгузории хурд ва Дипломи фахрӣ барои ҷалби сармояи хориҷӣ тақдим гардид.
Ҳамзамон, байни IPC GmbH (Олмон) ва Ассотсиатсияи ташкилотҳои маблағгузории хурди Тоҷикистон созишномаи ҳамкории васеъ оид ба дастгирии рушди бахши молиявӣ дар Ҷумҳурии Тоҷикистон ба имзо расонида шуд.
Бояд тазаккур дод, ки Форуми молиявии «Ҳамкории минтақавӣ-ҳамчун омили таҳкими инфросохтори молиявӣ ва дастрасӣ ба бозорҳои сармоя» бо ибтикори Ассотсиатсияи ташкилотҳои маблағгузории хурди Тоҷикистон бо мусоидат ва дастгирии Ҳукумати Ҷумҳурии Тоҷикистон, Бонки миллии Тоҷикистон, Корпоратсияи байналмилалии молиявӣ, GIZ (Лоиҳаи рушди фарогирии деҳот/TREGGER) гузаронида шуд.
АКС: Бонки миллии Тоҷикистон
Дар Тоҷикистон беш аз 300 тонна пилла истеҳсол гардидааст
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
ҚУРБИ АСЪОР: 1 доллари ИМА аз 9.1600 то 9.2309 сомонӣ муқаррар шудааст
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
Байни Тоҷикистон ва палатаҳои савдою саноати кишварҳои ИДМ густариши робитаҳои тиҷоратӣ баррасӣ гардид
