Китобҳои дипломати тоҷик дар Тошканд муаррифӣ шуданд
ДУШАНБЕ, 27.12.2023 /АМИТ «Ховар»/. Китобҳои нави Сафири Фавқулода ва Мухтори Ҷумҳурии Тоҷикистон дар Ҷумҳурии Узбекистон Абдуҷаббор Раҳмонзода «Пайғоми дӯстӣ» ва «Дипломатия, фарҳанг ва сиёсат» дар ҳамоише, ки бо иштироки адибон, рӯзноманигорон ва зиёиёни тоҷики муқими Узбекистон дар Сафорати Ҷумҳурии Тоҷикистон дар шаҳри Тошканд баргузор гардид, муаррифӣ шуданд.
АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Узбекистон иттилоъ медиҳад, ки китобҳои дипломати тоҷик «Пайғоми дӯстӣ» ва «Дипломатия, фарҳанг ва сиёсат» ба масъалаҳои равобити адабии халқҳои тоҷик ва узбек ва мавқеи дипломатияи фарҳангӣ дар шароити кунунӣ бахшида шудаанд.
Сафири Ҷумҳурии Тоҷикистон дар Ҷумҳурии Узбекистон оид ба муҳтавои китобҳояш маълумот дода, нақши Сарварони ду давлат- Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Президенти Ҷумҳурии Узбекистон муҳтарам Шавкат Мирзиёвро дар таҳкими муносибатҳои дӯстонаи ду халқи бародар муҳим арзёбӣ намуд.
Сипас, адиби шинохта, узви Иттифоқи нависандагони Узбекистон ва Тоҷикистон, доктори илми фалсафа Ҷаъфар Холмуъминов, доктори илми таърих Комилҷон Раҳимов, адиби шинохтаи тоҷик, узви Иттифоқи нависандагони Тоҷикистон ва Узбекистон Абдулло Субҳон ва дигарон андешаҳояшонро оид ба китобҳои Абдуҷаббор Раҳмонзода баён доштанд.
Дар ҳамоиш ба омӯзгорону рӯзноманигорон ва санъаткорони тоҷики муқими Узбекистон, аз ҷумла Узбакбой Раҳмонов, Холбика Нурназарова, Дилмурод Қузиев, Фармон Азимов, Ҳомид Ҳомидӣ, Комилҷон Раҳимов унвонҳои «Аълочии маориф ва илми Ҷумҳурии Тоҷикистон», «Аълочии фарҳанги Ҷумҳурии Тоҷикистон» ва ифтихорномаҳои Сафорати Ҷумҳурии Тоҷикистон дар Ҷумҳурии Узбекистон тақдим гардиданд.
Ин шахсон солҳои зиёд дар соҳаи илм, маориф ва санъат хизмат намуда, подоши заҳматҳои онҳо аз ҷониби роҳбарони сохторҳои марбутаи ҷумҳурӣ қадрдонӣ гардид.
Дар анҷоми ҳамоиш санъакорони тоҷики вилоятҳои Қашқадарё ва Навоӣ хотири ҳозиринро бо сурудҳои ватандӯстона ва тараннумгари дӯстиву бародарӣ шод намуданд.
АКС: Сафорати Ҷумҳурии Тоҷикистон дар Ҷумҳурии Узбекистон
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
