Мактаб – интернати хонандагони лаёқатманди ноҳияи Восеъ ба давраи зимистон омода мебошад
ДУШАНБЕ, 06.12.2023 /АМИТ «Ховар»/. Дар Мактаб – интернати хонандагони лаёқатманди ноҳияи Восеъ барои бе мушкилӣ паси сар намудани зимистони солҳои 2023 – 2024 омодагии ҷиддӣ дидаанд, дару тирезаҳои таълимгоҳ шишабандӣ гардида, хобгоҳи толибилмон бо печҳои барқӣ ва аловӣ таъмин мебошад.
Тавре директори муассиса Баҳодур Рафиев ба АМИТ «Ховар» иттилоъ дод, соли равон барои таъмири бинои муассиса, хобгоҳи тарбиятгирандагон ва дохили синфхонаҳои Мактаб – интернати хонандагони лаёқатманди ноҳия аз ҷониби Мақомоти иҷроияи ҳокимияти давлатии ноҳияи Восеъ маблағи муайян ҷудо шуда, таъмири ҷорӣ гузаронида шуд.
«Дар айни замон барои гузаронидани фасли сармо дар Мактаб – интернати хонандагони лаёқатманди ноҳияи Восеъ 25 куб ҳезум, 45 литр сӯзишворӣ ва дигар намуди маводи сӯхт захира шудааст. Инчунин 14 синфхонаи таълимӣ бо печҳои аловӣ таъмин буда, дар хобгоҳ ва синфхонаҳои таълимӣ 11 радиатори гармидиҳанда насб гардид», — гуфт ӯ.
Ҳоло дар Мактаб – интернати хонандагони лаёқатманди ноҳияи Восеъ 330 тарбиятгиранда ба таълим фаро гирифта шуданд, ки 70 нафарашон духтарон мебошанд. Дар ин таълимгоҳ тарбиятгирандагон аз ноҳияҳои Восеъ, Фархор, Ҳамадонӣ, Ховалинг ва шаҳри Кӯлоб ба таълим фаро гирифта шуда, ба онҳо 38 омӯзгору мураббия таълим медиҳанд.
Ҳамчунин изҳор гардид, ки Мактаб – интернат дорои 14 компютер буда, дар он синф — кабинетҳои фаннӣ аз физика, химия, забони русӣ ва математика амал менамоянд.
Тарбиятгирандагони мактаб-интернат дар озмунҳои ҷумҳуриявии «Илм- фурӯғи маърифат» ва «Фурӯғи субҳи доноӣ китоб аст» иштироки фаъолона дошта, ду хонанда соҳиби ҷойҳои ифтихорӣ гардид.
АКС: АМИТ «Ховар»
35-СОЛАГИИ ИСТИҚЛОЛИ ДАВЛАТӢ. Дар якчанд муассисаи таълимии шаҳри Истаравшан корҳои сохтмонӣ идома доранд
Дар шаҳри Левакант муассисаи давлатии таҳсилоти томактабӣ ба истифода дода шуд
Байни Академияи идоракунии давлатӣ ва Дафтари барномаҳои САҲА нақшаи чорабиниҳои муштарак ба имзо расид
Президенти Ҷумҳурии Тоҷикистон Эмомалӣ Раҳмон дар ноҳияи Данғара бинои муассисаи томактабии «Зирамоҳ»-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии «Орзу»-ро мавриди истифода қарор доданд
«ИСТИҚЛОЛИ ДАВЛАТӢ: СУЛҲУ СУБОТ ВА АМНИЯТИ ҶОМЕА ДАР МЕҲВАРИ АРЗИШҲОИ МИЛЛӢ». Бо чунин унвон ҳамоиш доир гардид
Президенти Ҷумҳурии Тоҷикистон Эмомалӣ Раҳмон дар ноҳияи Данғара муассисаи таҳсилоти миёнаи умумии рақами 95-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии хусусии Cокина ва китобхонаи деҳаи Хуррамзаминро ба истифода доданд
Пешвои миллат Эмомалӣ Раҳмон дар шаҳри Левакант бинои нозироти андоз ва бинои нави иловагии таълимӣ дар назди муассисаи таҳсилоти миёнаи умумии №10-ро ифтитоҳ намуданд
Маҷлиси Ҳукумати Ҷумҳурии Тоҷикистон баргузор гардид
ИСТИҚЛОЛИЯТ ВА РУШДИ МАОРИФ. Давоми 26 сол дар ноҳияи Восеъ 16 муассисаи нав бунёд карда шуд
Дар Хатлон 37 хатмкунанда соҳиби аттестати аълои универсалӣ ва равиявӣ гардид
