Мутахассисони Хадамоти алоқаи Тоҷикистон ва ширкатҳои мобилӣ дар Ҳисор мониторинги сифати алоқа гузарониданд
ДУШАНБЕ, 20.12.2023 /АМИТ «Ховар»/. Роҳбарияти Хадамоти алоқаи назди Ҳукумати Ҷумҳурии Тоҷикистон ва роҳбарони ширкатҳои мобилии «МегаФон», «Тселл», «Вавилон» ва «ZET Mobile» бо мақсади шиносоӣ бо вазъи дастрасӣ ба алоқаи мобилӣ ва интернет ба Ҷамоати деҳоти Шарораи шаҳри Ҳисор рафтанд. Дар ин хусус АМИТ «Ховар» бо истинод ба Хадамоти алоқа хабар медиҳад.
Ин шиносоӣ дар асоси шикояти сокинон амалӣ шуда, аз ҷониби мутахассисони Хадамоти алоқа ва ширкатҳои мобилӣ мониторинги сифати алоқа гузаронида шуд.
Аз натиҷаи мониторинг сифати алоқа дар ҳудуди Ҷамоати деҳоти Шарора ғайриқаноатбахш ва нокифоя шуморида шуда, аз фаъолияти ширкатҳои мобилӣ изҳори нигаронӣ шуд.
Зимни баррасии шикояти сокинон нисбат ба сатҳу сифати мавҷи алоқаи мобилӣ ба масъулин супориш дода шуд, ки дар муддати кӯтоҳ истгоҳҳои базавии иловагӣ насб намоянд.
Дар идома Сардори Хадамоти алоқаи назди Ҳукумати Ҷумҳурии Тоҷикистон бо сокинони Ҷамоати деҳоти Шарораи шаҳри Ҳисор мулоқот намуд.
АКС: Хадамоти алоқаи назди Ҳукумати Ҷумҳурии Тоҷикистон
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
Имрӯз дар шаҳри Душанбе ҳаво то 36 дараҷа гарм мешавад
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
Дар вилояти Суғд ба фаъолони соҳаҳо мукофотҳои давлатии Ҷумҳурии Тоҷикистон супорида шуд
