Мутахассисони «Тоҷикаэронавигатсия» дар Русия такмили ихтисос намуданд
ДУШАНБЕ, 20.12.2023 /АМИИТ «Ховар»/. Соли равон беш аз 10 мутахассиси Маркази авиатсионии метеорологӣ ва истгоҳҳои авиатсионии метеорологии шаҳрвандии филиалҳои Корхонаи воҳиди давлатии «Тоҷикаэронавигатсия» дар Донишкадаи такмили ихтисоси кормандон ва мутахассисони роҳбарикунанда дар шаҳри Москваи Федератсияи Русия даври омӯзиширо муваффақона хатм намуда, соҳиби диплом ва шаҳодатнома гардиданд.
АМИТ «Ховар» бо истинод ба КВД «Тоҷикаэронавигатсия» иттилоъ медиҳад, ки дар Донишкадаи такмили ихтисоси кормандон ва мутахассисони роҳбарикунанда дар шаҳри Москваи Федератсияи Русия таълими фосилавӣ барои муҳандис-метеорологҳо ва техник-метеорологҳо дар мавзуъҳои «Таъминоти метеорологии авиатсионӣ, пешгӯӣ ва мушоҳидаҳо дар аэродромҳо мутобиқи стандартҳои тахассусии Ташкилоти ҷаҳонии метеорологӣ» гузаронида шуд.
Бояд ёдовар гардид, ки чунин омӯзиш тибқи нақша барои метеорологҳои авиатсионӣ на камтар аз як маротиба дар панҷ сол гузаронида мешавад. Ҳадафи омӯзиш такмил ва бозомӯзии кормандон ва инчунин мутахассисони ҷавони Маркази авиатсионии метеорологии корхона мебошад.
Роҳбарияти КВД «Тоҷикаэронавигатсия» ҷиҳати ҷорӣ намудани воситаҳои автоматикунонӣ ва технологияҳои нави таъмини хизматрасонии метеорологӣ тадбирҳои зарурӣ андешида, роҳҳои самаранокӣ ва эътимоднокии дастрасии маълумоти метеорологиро баланд мебардоранд, ки он ба воҳидҳои хизматрасони ҳаракати ҳавоӣ, экипажҳои нақлиёти ҳавоӣ ва дигар истифодабарандагони авиатсия пешниҳод мегардад.
АКС: КВД «Тоҷикаэронавигатсия»
Дар Панҷакент иншооти иҷтимоӣ ва хизматрасонӣ ифтитоҳ гардиданд
Ҳамкории Тоҷикистон бо Гурҷистон дар такмили низоми нафақа густариш меёбад
ОМОДАГӢ БА ЗИМИСТОН. Муассисаҳои тандурустии шаҳри Хуҷанд ба мавсими сармо ҳамаҷониба омода мешаванд
Ҷумҳурии Тоҷикистон Конвенсияи Созмони Милали Муттаҳид дар бораи ҳуқуқҳои маъюбонро тасдиқ кард
Забони тоҷикӣ дар фазои рақамӣ: аз пайкараи матнӣ то истилоҳоти ягона
Дар Душанбе симпозиум доир ба соҳаи онкология оғоз гардид
Барои маблағгузории нафақа беш аз 4 миллиард сомонӣ равона гардидааст
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
ИМРӮЗ-РӮЗИ БАЙНАЛМИЛАЛИИ КОҲИШИ ХАТАРИ ОФАТҲОИ ТАБИӢ. Дар Тоҷикистон барои пешгирии хатари офатҳо беш аз 60 миллион сомонӣ ҷудо гардидааст
Конференсияи илмӣ оид ба саҳми экспедитсияи бостоншиносӣ дар омӯзиши Панҷакенти қадим баргузор мегардад
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
Рӯзи дарҳои кушоди Академияи хурди илмҳои Тоҷикистон баргузор шуд
