Намояндагони Кумитаи андози Тоҷикистон бо низоми андозбандии Шоҳигарии Дания шинос шуданд
ДУШАНБЕ, 20.12.2023 /АМИТ «Ховар»/. Ҳайати намояндагони Кумитаи андози назди Ҳукумати Ҷумҳурии Тоҷикистон бо роҳбарии Раиси кумита Нусратулло Давлатзода тибқи даъватномаи Вазорати андозбандии Шоҳигарии Дания ҷиҳати табодули таҷриба дар Хадамоти андози Шоҳигарии Дания бо низоми андозбандии Шоҳигарии Дания шинос шуданд. Дар ин хусус АМИТ «Ховар» бо истинод ба Кумитаи андоз хабар медиҳад.
Раиси Кумитаи андоз бо роҳбарияти Хадамоти андози Шоҳигарии Дания вохӯриҳои судманд анҷом дода, доир ба низоми андозбандии шахсони ҳуқуқӣ, маъмурикунонии андоз аз арзиши иловашуда ва низоми идораи хавфҳои мақомоти андози Шоҳигарии Дания муҳокимаҳои самаранок анҷом дод.
Натиҷаи вохӯриҳо пурсамар ва муфид арзёбӣ гардида, ба намояндагони Кумитаи андози назди Ҳукумати Ҷумҳурии Тоҷикистон имконият фароҳам гардид, ки бо таҷрибаи пешқадами маъмурикунонии андози Шоҳигарии Дания аз наздик шинос шаванд.
Хадамоти андози Шоҳигарии Дания яке аз пешсафтарин мақомоти андоз дар ҷаҳон ба ҳисоб рафта, дар самти маъмурикунонии андоз аз арзиши иловашуда, низоми идоракунии хавфҳо ва рақамикунонии соҳа ва дастрасии хизматрасонии электронӣ ба андозсупорандагон ба дастовардҳои назаррас расидааст.
АКС: Кумитаи андози назди Ҳукумати Ҷумҳурии Тоҷикистон
Масъалаҳои рушди ҳамкории Тоҷикистон ва Русия дар соҳаи энергетика баррасӣ гардиданд
Намояндаи Тоҷикистон дар Конфронси 30-юми ҷаҳонии сармоягузорӣ дар Женева иштирок кард
Тоҷикистон ва Қазоқистон дар соҳаи рушди низоми тиҷорати электронӣ ҳамкориро тақвият медиҳанд
Байни Тоҷикистон ва Арабистони Саудӣ дар самти муқовимат ба коррупсия Ёддошти тафоҳум оид ба ҳамкорӣ ба имзо расид
САРФАИ НЕРУИ БАРҚ МАСЪУЛИЯТИ АХЛОҚИИ ҲАР ЯК ШАҲРВАНД АСТ! Чанд тавсия дар Рӯзи байналмилалии сарфаи энергия
Дар Конфронси байналмилалии телекоммуникатсия се самти афзалиятноки рушди соҳаи алоқаи Тоҷикистон муаррифӣ гардид
РӮЗИ БАЙНАЛМИЛАЛИИ САРФАИ ЭНЕРГИЯ. Истифодаи самараноки неруи барқ яке аз ҳадафҳои муҳими Стратегияи миллии рушди Тоҷикистон аст
Тоҷикистон ва Қазоқистон ҳамкориро дар соҳаи зеҳни сунъӣ густариш медиҳанд
Идоракунии устувори захираҳои обҳои зеризаминӣ дар Тоҷикистон баррасӣ гардид
Пахтакорони пешсафи ноҳияи Дӯстӣ қадрдонӣ карда шуданд
Дар ноҳияи Спитамен ба зимистонгузаронӣ ва таъмини фаъолияти устувори шабакаҳои барқӣ омодагӣ мебинанд
Ҳамкории саноатӣ ва сармоягузории Тоҷикистону Қазоқистон густариш меёбад
