Обхезӣ дар ҷануби Таиланд тақрибан ба 20 ҳазор нафар зарар расонид
ДУШАНБЕ, 26.12.2023 /АМИТ «Ховар»/. Борони шадид дар вилояти Наратҳиват дар ҷануби Таиланд обхезии шадид ба амал овард, ки тақрибан 20 ҳазор сокини маҳаллӣ зарар диданд. Тавре АМИТ «Ховар» бо истинод ба агентии ТАСС иттилоъ медиҳад, дар ин хусус департаменти пешгирӣ ва бартарафсозии офатҳои табиӣ хабар додааст.
Тибқи иттилои манбаъ, роҳҳо аз сабаби боронҳои шадид барои гузаштан номувофиқ шуданд. «Дар маҷмуъ 9,6 ҳазор манзил хароб шуда, тақрибан 20 ҳазор нафар зарар дидаанд. Дар назар аст, ки агар борон қатъ гардад, вазъ ба эътидол меояд. Дар бораи ҳалокшудагон ё осебдидагон маълумот нарасидааст», — ишора намуданд дар идора.
Расонаҳои Таиланд ҳамчунин дар бораи обхезӣ дар вилояти ҳамсояи Яла иттилоъ медиҳанд. Наратҳиват ва Яла аз хатсайрҳои маъруфи сайёҳии Таиланд дур ҷойгир буда, ҳарду вилоят бо Малайзия ҳамсарҳад мебошанд.
Азиза ИКРОМ,
АМИТ «Ховар»
АКС аз манбаъҳои боз
Имрӯз дар водиҳои Тоҷикистон ҳаво то 26 дараҷа гарм мешавад
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
