Раиси вилояти Хатлон бо рафти корҳои созандагиву ободонӣ дар ноҳияи Дӯстӣ шинос шуд
ДУШАНБЕ, 23.12.2023 /АМИТ «Ховар»/. Дар ноҳияи Дӯстӣ сохтмони Муассисаи таҳсилоти миёнаи умумии №8 бомаром идома дошта, тибқи нақша, иншооти мазкур 9 сентябри соли 2024 ба истифода дода мешавад. Имрӯз зимни сафари корӣ ба ноҳияи Дӯстӣ Раиси вилояти Хатлон Давлаталӣ Саид аз рафти корҳои сохтмонии мактаби мазкур аз наздик шинос шуд. Дар ин хусус АМИТ «Ховар» бо истнод ба Мақомоти иҷроияи ҳокимияти давлатии вилояти Хатлон хабар медиҳад.
Иттилоъ дода шуд, ки Муассисаи таҳсилоти миёнаи умумии №8 дар деҳаи Ғалабаи Ҷамоати деҳоти Ҷиликўли ноҳияи Дўстӣ воқеъ буда, дар доираи нақшаи чорабиниҳо бахшида ба ҷашни 35-солагии Истиқлоли давлатии Ҷумҳурии Тоҷикистон бо маблағгузории Туркманистон бо усули муосири меъмориву шаҳрсозӣ бунёд мегардад.
Муассисаи таълимӣ аз 20 синфхона барои 540 хонанда дар як баст, кабинетҳои фаннӣ, китобхона ва толори хониш, ошхона барои 220 ҷойи нишаст, толори варзишӣ, маҷлисгоҳ барои 200 ҷойи нишаст ва толор барои гузаронидани маҳфилҳои фарҳангӣ иборат мебошад.
Фармоишгари сохтмон Сафорати Туркманистон дар Ҷумҳурии Тоҷикистон буда, пудратчии асосии сохтмон Ҷамъияти хоҷагидории «Довлет Гурлушик»-и Туркманистон мебошад.
Корҳои сохтмонӣ моҳи июни соли 2023 оғоз шуда, тибқи нақша, бояд 9 сентябри соли 2024 ба истифода дода шавад.
Зимни шиносоӣ Раиси вилоят таъкид намуд, ки корҳои ободонӣ дар ин иншооти ҷашнӣ босифат ба анҷом расонида, мактаб дар муҳлати муқарраргардида ба истифода дода шавад.
Инчунин имрӯз дар доираи сафари корӣ ба ноҳияи Дӯстӣ Раиси вилояти Хатлон бо фаъолияти хоҷагии тухмипарварии ба номи Эргаш Султонов шинос шуда, бо кишоварзони хоҷагӣ суҳбат намуд. Ҳамчунин Раиси вилояти Хатлон Давлаталӣ Саид дар маъракаи ниҳолшинонӣ иштирок намуд.
Майдони умумии хоҷагӣ 620 гектарро ташкил дода, аз он дар 60 гектар сабзавот, аз ҷумла карам, гулкарам, лаблабу, инчунин дар 3 гектар гармхонаи помидор ва бодиринг парвариш карда мешавад. Хоҷагидорон дар майдони 350 гектар пахта, 75 гектар гандум, 60 гектар полезӣ ва 80 гектар беда низ кишт намудаанд.
АКС: Мақомоти иҷроияи ҳокимияти давлатии вилояти Хатлон
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
Дар ноҳияи Абдураҳмони Ҷомӣ мумфаршкунии роҳҳо вусъати тоза мегирад
«САМАРАИ ИСТИҚЛОЛ». Таҳти чунин унвон Иттифоқи журналистони Тоҷикистон озмун эълон менамояд
Дар Китобхонаи миллии Тоҷикистон оид ба рушди фаъолияти китобдорӣ дар даврони соҳибистиқлолӣ ҳамоиш баргузор гардид
35-СОЛАГИИ ИСТИҚЛОЛИ ДАВЛАТӢ. Дар Ҷамоати деҳоти Эсанбойи ноҳияи Рӯдакӣ роҳпаймоӣ доир гардид
35-СОЛАГИИ ИСТИҚЛОЛИ ДАВЛАТӢ. Дар Ҷамоати деҳоти Ҳиҷбораки Рашт маркази саломатии деҳот ба истифода дода шуд
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Оид ба мавқеи геосиёсӣ, геоиқтисодӣ ва геофарҳангии Шарқи Миёна ва Наздик дар доираи ҷаҳони бисёрқутба ҳамоиш доир мешавад
Дар Душанбе рӯзҳои фарҳанги ВМКБ, шаҳри Хоруғ, ноҳияҳои Ишкошим, Мурғоб, Роштқалъа ва Файзобод баргузор мегарданд
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
ИСТИҚЛОЛИЯТ ВА РУШДИ МАОРИФ. Дар вилояти Суғд 767 иншооти соҳаи маориф ба истифода дода шудааст
