Ширкати италиявии «Keios» сайёҳонро ба Тоҷикистон ҷалб менамояд
ДУШАНБЕ, 14.12.2023 /АМИТ «Ховар»/. Раиси вилояти Суғд Раҷаббой Аҳмадзода бо роҳбари ширкати машваратии италиявии «Keios» Питер Низет ва ҳамроҳонаш мулоқот намуд. «Keios»- ширкати сайёҳӣ буда, ҳадаф аз омадани роҳбарияти он ба вилоят шиносоӣ бо имконияти сайёҳӣ мебошад. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.
Дар мулоқот изҳор гардид, ки дар Тоҷикистон дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба рушди соҳаи сайёҳӣ таваҷҷуҳи хосса зоҳир гардида, солҳои 2019-2021 дар мамлакат Солҳои рушди деҳот, сайёҳӣ ва ҳунарҳои мардумӣ эълон гардида буд.
Дар ин солҳо инфрасохтори соҳа беҳтар шуда, барои ҷалби ҷаҳонгардон чораҳои муассир амалӣ гардиданд. Дар натиҷа шумораи сайёҳон зиёд шуда, ҳамасола садҳо ҳазор нафар маконҳои зебову нотакрори Тоҷикистонро тамошо менамоянд.
Дар вилояти Суғд низ ба рушди соҳаи сайёҳӣ таваҷҷуҳи доимӣ зоҳир гардида, шумораи зиёди ҷаҳонгардон ба шаҳру ноҳияҳои Хуҷанд, Панҷакент, Истаравшан, Исфара, Конибодом ва Ашту Мастчоҳ меоянд.
Дар вилояти Суғд 45 ширкати сайёҳӣ фаъолият дошта, 225 хатсайри сайёҳӣ ташкил гардидааст. Барои хизматрасонӣ ба сайёҳони дохиливу хориҷӣ шумораи зарурии меҳмонхона, осоишгоҳу марказҳои табобативу истироҳатӣ, лагерҳо, боғҳои фарҳангиву фароғатӣ, осорхонаву зиёратгоҳ, ҷойҳои таърихӣ ва қадимӣ мавҷуд мебошанд.
Питер Низет ҳадафи ташрифашро ба шиносоӣ бо имконияти соҳаи сайёҳӣ ва амалишавии лоиҳаҳо дар ин самт рабт дода, таъкид намуд, ки дар оянда барои ҷалби сайёҳон ба Тоҷикистон ҳамкорӣ менамояд.
АКС: Хадамоти матбуоти Раиси вилояти Суғд
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
