Соли 2023 аз ҷониби низоми бонкии Тоҷикистон 18,5 миллиард сомонӣ қарзҳо пешниҳод шуданд
ДУШАНБЕ, 30.12.2023 /АМИТ «Ховар»/. Ҳайати кормандони Корхонаи воҳиди давлатии /КВД/ Бонки амонатгузории Ҷумҳурии Тоҷикистон «Амонатбонк» аз Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилию хориҷии ҷумҳурӣ» руҳу илҳоми тоза бардоштанд. Онҳо тасмим гирифтаанд, ки фаъолияти худро дар партави нуктаҳои асосии ин санади муҳим амалӣ намуда, дар рушди низоми бонкдории мамлакат, ки дар Паёми Сарвари давлат махсус таъкид гардид, саҳми муносиб гузоранд.
Президенти Ҷумҳурии Тоҷикистон муҳтарам Эмомалӣ Раҳмон зимни пешниҳоди Паём ба Маҷлиси Олии Ҷумҳурии Тоҷикистон таъкид намуданд, ки соли 2023 дороии сохторҳои молиявию қарзии мамлакат нисбат ба соли гузашта 22 фоиз зиёд гардида, 39,6 миллиард сомониро ташкил намуд.
Соли равон пешниҳоди қарзҳо аз ҷониби низоми бонкӣ дар муқоиса бо соли 2022 31,1 фоиз афзоиш ёфта, ба 18,5 миллиард сомонӣ баробар гардид. Ҳаҷми қарзҳои хурди додашуда 32,1 фоиз зиёд гардида, 13,3 миллиард сомониро ташкил дод. Қарзҳои ба занону духтарони соҳибкор аз ҷониби бонкҳои мамлакат пешниҳодшуда 30 фоиз афзоиш ёфта, ба 4,8 миллиард сомонӣ расонида шуд.
Дар ин давра бақияи умумии пасандозҳои аҳолӣ ва шахсони ҳуқуқӣ дар ташкилоти қарзии ватанӣ 32 фоиз зиёд гардида, ба 18,6 миллиард сомонӣ расид.
АКС: «Амонатбонк»
ҚУРБИ АСЪОР: 1 доллари ИМА аз 9.1400 то 9.2086 сомонӣ муқаррар гардидааст
Ҳаҷми умумии қарзҳои додашуда дар Тоҷикистон 25,5 фоиз зиёд гардидааст
МАЪРИФАТИ МОЛИЯВӢ. Дар ноҳияи Рӯдакӣ Фестивали саводнокии молиявӣ гузаронида шуд
Дар Душанбе самтҳои ҳамкорӣ бо ҳайати Палатаи савдои хориҷии Олмон баррасӣ гардид
Дар Душанбе самтҳои баланд бардоштани сатҳи саводнокии молиявии кӯдакону ҷавонон баррасӣ гардиданд
ПУЛИ МИЛЛӢ –«СОМОНӢ». Банкнотаҳои он на танҳо воситаи пардохт, балки бозтоби таърих, фарҳанг, дастовардҳо ва ҳувияти миллии Тоҷикистон мебошанд
