«Сомон Эйр» парвозҳоро дар хатсайри Душанбе-Хуҷанд-Душанбе зиёд намуд

Декабрь 12, 2023 17:41

ДУШАНБЕ, 12.12.2023 /АМИТ «Ховар»/. Шуруъ аз 16 декабр ширкати ҳавопаймоии «Сомон Эйр» парвозҳоро дар хатсайри Душанбе – Хуҷанд – Душанбе зиёд менамояд. Ҳамин тариқ, парвозҳо дар ин хатсайр ҳар рӯз амалӣ мешаванд. Дар ин хусус ба АМИТ «Ховар» дар ширкати ҳавопаймоии Сомон Эйр» иттилоъ доданд.

Ин тадбир бо мақсади қонеъ намудани талаботи аҳолӣ ба интиқолот тавассути ҳавопаймоҳо гирифта мешавад.

Ин иқдом бесобиқа набуда, ҳамасола дар мавсими сармо амалӣ гардонида мешавад. Ҳар зимистон ширкат байни Душанбе ва Хуҷанд парвозҳоро зиёд менамояд, то шаҳрвандон тавонанд сари вақт ва бехатар ба нуқтаи таъйинотӣ бирасанд. Парвозҳо аз пойтахт ба Хуҷанд ва баргашт дар ҳавопаймоҳои Боинг 737 иҷро мегарданд.

Ҳоло ширкати ҳавопаймоии «Сомон Эйр» парвозҳоро аз Тоҷикистон ба Олмон, Амороти Муттаҳидаи Араб, Туркия, Чин, Эрон, Ҳиндустон, Арабистони Саудӣ, Русия, Қазоқистон ва Узбекистон муваффақона анҷом медиҳад. Парки ширкати ҳавопаймоӣ аз ҳавопаймоҳои Боинг 737-800 ва Боинг 737-900 иборат мебошад.

 АКС: Ширкати ҳавопаймоии «Сомон Эйр»

Декабрь 12, 2023 17:41

Хабарҳои дигари ин бахш

АЗ СОЛИ БАЙНАЛМИЛАЛИИ ОБИ ТОЗА ТО РӮЗИ БАЙНАЛМИЛАЛИИ ЗЕҲНИ СУНЪИИ БЕХАТАР, ҲИФЗШУДА ВА БОЭЪТИМОД. Андешаҳо дар ин маврид
Зеҳни сунъӣ ба яке аз технологияҳои серталабтарини асри рақамӣ аз лиҳози истеъмоли неруи барқ табдил меёбад
Аз ноҳияи Ҷалолиддини Балхӣ ба Қазоқистону Русия лимӯ содирот карда мешавад
Дар Тоҷикистон нахустин маротиба Форуми байналмилалии саноати ангишт доир мегардад
Дар Шаҳринав нақшаи ҷамъоварии пахта 187,4 фоиз иҷро шуд
Дар ноҳияи Ҷалолиддини Балхӣ кишти тиромоҳӣ идома дорад
Дар Тоҷикистон Барномаи савдои электронӣ ба бахши муҳими иқтисодиёт табдил ёфтааст
«Муждаи зафар». Дар ноҳияи Ёвон дурнамои истеҳсоли пахта барзиёд иҷро гардид
Дар даврони соҳибистиқлолии Тоҷикистон ба соҳаи энергетика 30 миллиард сомонӣ равона гардид
АЗ ДАРТМУТ ТО ДУШАНБЕ. Зеҳни сунъӣ нисбат ба қоидаҳое, ки истифодаи онро танзим менамоянд, ба маротиб тезтар рушд мекунад
Дар Минтақаи озоди иқтисодии «Суғд» муассисаҳои таълимӣ ва иншооти саноатӣ бунёд мегарданд
ЗЕҲНИ СУНЪӢ — ИМКОНИЯТ, МАСЪУЛИЯТ ВА ОЯНДАИ ИНСОН. Он ба ҷузъи муҳими ҳаёти инсон табдил ёфтааст