ТАҚВИМИ АМИТ «ХОВАР»: имрӯз 24 декабр, якшанбе, 358-умин рӯзи соли 2023 аст

24 декабри соли 2009 дар шаҳри Уш ҷаласаи навбатии дурӯзаи муштараки Комиссияи байниҳукуматии Тоҷикистон ва Қирғизистон оид ба баррасии масъалаи ҳамкории ҳамаҷониба доир шуд.

***

 24 декабри соли 2012 дар шаҳри Душанбе Форуми хатмкунандагони мактабҳои олии Русия доир шуд.

***

Дар ин рӯзи соли 2013 дар шаҳри Душанбе таҳти унвони «Тоҷикистон ва  Чин-як оила» барномаи фарҳангӣ баргузор гардид.

***

24 декабри соли 2015  Амри Президенти Ҷумҳурии Тоҷикистон дар бораи ҳавасмандгардонии варзишгарон ва муаррифии ғолибону ҷоизадорони мусобиқаҳои байналмилалӣ аз намудҳои гуногуни варзиш ба имзо расид.

***

Дар ин рӯзи соли 2015 Парлумони Тоҷикистон  Созишнома оид ба минтақаи савдои озодро, ки дар доираи Иттиҳоди Давлатҳои Мустақил соли 2011 имзо шуда буд, тасдиқ намуд.

***

24 декабри соли 2019 дар шаҳри Душанбе маросими ҷоизасупорӣ ба фаъолони  соҳаи тарбияи ҷисмонӣ ва инкишофи варзиш дар соли 2019 баргузор гардид.

***

24 декабри соли 2020 Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ Корхонаи коркарди санги хоро ва мармари “СТОУН Сервис”-ро, ки калонтарин иншооти истеҳсолӣ дар минтақаи саноатии шаҳри Душанбе ба ҳисоб меравад, ифтитоҳ намуданд.

***

24 декабри соли 2021 кумакҳои Пешвои миллат ба тарбиятгирандагони Мактаб-интернати ҷумҳуриявии ноҳияи Сангвор расонида шуданд.

***

24 декабри соли 2022 Президенти Ҷумҳурии Тоҷикистон муҳтарам Эмомалӣ Раҳмон Вазири сармоягузории Подшоҳии Арабистони Саудӣ Холид Ал-Фолеҳро ба ҳузур пазируфтанд. Дар мулоқот вазъи кунунӣ ва дурнамои ҳамкории Тоҷикистон ва Арабистони Саудӣ дар соҳаҳои мавриди таваҷҷуҳи ҷонибҳо баррасӣ гардид.

24 ДЕКАБР ТАҶЛИЛ МЕГАРДАД:

Дар Ливия – Рӯзи истиқлолият.

***

Дар Молдова – Рӯзи Конститутсия.