Тоҷикистон ва Бонки ҷаҳонӣ масъалаи тезонидани бунёди марказҳои агрологистикиро баррасӣ намуданд

ДУШАНБЕ, 05.12.2023 /АМИТ «Ховар»/. Имрӯз мулоқоти Вазири кишоварзии Ҷумҳурии Тоҷикистон  Қурбон Ҳакимзода бо мудири минтақавии Бонки ҷаҳонӣ дар Аврупо ва Осиёи Марказӣ Фрауке Юнгблют ва роҳбари намояндагии доимии Бонки ҷаҳонӣ дар Тоҷикистон Озан Севимлӣ баргузор гардид, ки зимни он ҷонибҳо масъалаи тезонидани бунёди марказҳои агрологистикиро мавриди муҳокима қарор доданд. Дар ин хусус ба АМИТ «Ховар» дар Вазорати кишоварзии мамлакат хабар доданд.

Ҷонибҳо оид ба масъалаҳои маблағгузории Бонки ҷаҳонӣ вобаста ба рушди соҳаи кишоварзӣ, пешгирии тағйирёбии иқлим, хушксолӣ ва ба он мутобиқ намудани зироат, инчунин дастгириҳо дар самти илм, аз ҷумла дар Донишгоҳи аграрии Тоҷикистон ба номи Ш.Шоҳтемур ва Академияи илмҳои кишоварзии Тоҷикистон имконияти истеҳсоли маҳсулоти кишоварзӣ ва содиротро мавриди баррасӣ қарор доданд.

Мудири минтақавии Бонки ҷаҳонӣ дар Аврупо ва Осиёи Марказӣ Фрауке Юнгблют ва роҳбари намояндагии доимии Бонки ҷаҳонӣ дар Тоҷикистон  ҳавасмандии Бонки ҷаҳониро ҷиҳати рушди соҳаи кишоварзӣ дар Ҷумҳурии Тоҷикистон ва амалисозии лоиҳаҳову барномаҳо изҳор намуданд.

 АКС: Маркази матбуот ва иттилооти Вазорати кишоварзии Ҷумҳурии Тоҷикистон