Вазири корҳои хориҷии Тоҷикистон бо сафирони давлатҳои Иттиҳоди Давлатҳои Мустақил ва Осиёи Марказӣ мулоқот намуд

ДУШАНБЕ, 29.12.2023 /АМИТ «Ховар»/. Вазири корҳои хориҷии Ҷумҳурии Тоҷикистон Сироҷиддин Муҳриддин бо сафирони фавқулода ва мухтори Ҷумҳурии Озарбойҷон Алимирзамин Аскеров, Ҷумҳурии Беларус Виктор Денисенко, Ҷумҳурии Қазоқистон Валихан Туреханов, Федератсияи Русия Семён Григорев ва Ҷумҳурии Узбекистон Эргаш Шоисматов дар Ҷумҳурии Тоҷикистон мулоқот намуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

 Зимни мулоқот Вазири корҳои хориҷӣ бо таъкид ба рушди рӯзафзуни муносибатҳои дуҷониба ва бисёрҷонибаи Тоҷикистон бо ин давлатҳо онҳоро яке аз самтҳои авлавиятноки сиёсати хориҷии Ҷумҳурии Тоҷикистон арзёбӣ намуд.

Ҷонибҳо оид ба натиҷаҳои асосии соли сипаришуда, инчунин нақшаву ҳадафҳо барои дурнамо табодули афкори судманд анҷом доданд.

АКС: Вазорати корҳои хориҷии Ҷумҳурии Тоҷикистон