БА ИФТИХОРИ 35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода як қатор иншооти таъйиноти гуногун ба истифода дода шуд
ДУШАНБЕ, 01.01.2024 /АМИТ «Ховар»/. Ба ифтихори ҷашни 35-солагии Истиқлоли давлатӣ дар шаҳри Турсунзода як қатор иншооти соҳаи иҷтимоӣ ва маориф мавриди баҳрабардорӣ қарор дода шуд. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Турсунзода хабар доданд.
Аз ҷумла дар Муассисаи таҳсилоти миёнаи умумии №34 8 синфхонаи иловагӣ барои 400 хонанда дар ду баст, дар Муассисаи таҳсилоти миёнаи умумии №35 7 синфхонаи иловагӣ барои 350 хонанда дар ду баст, дар Муассисаи таҳсилоти миёнаи умумии №37 7 синфхонаи иловагӣ барои 350 хонанда дар ду баст, дар Муассисаи таҳсилоти миёнаи умумии №79 7 синфхонаи иловагӣ барои 350 хонанда дар ду баст ва дар Муассисаи таҳсилоти миёнаи умумии №89 4 синфхонаи иловагӣ барои 200 хонанда дар ду баст ба истифода дода шуд.
Иттилоъ дода шуд, ки синфхонаҳои иловагӣ бо мизу курсӣ ва дигар аёнияти хониш таъмин буда, дар онҳо баҳри донишомӯзии хонандагон шароити мусоиди таҳсил фароҳам оварда шудааст.
Ҳамзамон дар деҳаи Даҳбеди Ҷамоати деҳоти Қаратоғ Муассисаи томактабӣ барои 50 кӯдак, дар деҳаи Нурободи Ҷамоати деҳоти ба номи Раҳмонов Муассисаи томактабӣ барои 50 кӯдак ва дар деҳаи Тойчии Ҷамоати деҳоти ба номи Раҳмонов Муассисаи томактабӣ барои 100 кӯдак мавриди истифода қарор гирифт.
Гуфта шуд, ки маҳз дар замони соҳибистиқлолии мамлакат бо бунёди мактабҳои замонавӣ ва муассисаҳои томактабии дорои шароити мусоид сатҳу сифати таълиму тарбия дар аксар муассисаҳои шаҳру ноҳияҳои мамлакат, аз ҷумла шаҳри Турсунзода ба маротиб хубтар гардидааст.
Инчунин дар деҳаи Меҳнати Ҷамоати деҳоти ба номи Турсун Тӯйчиев маркази саломатӣ ва таваллудхона баъд аз таъмиру навсозӣ ифтитоҳ гардид.
Ёдовар мешавем, ки соли 2023 дар шаҳри Турсунзода бо дастгирии мақомоти иҷроияи маҳаллӣ, ҷалби соҳибкорон ва маблағгузории шарикони рушд 1 мактаб барои 1200 хонанда, 114 синфхонаи иловагӣ дар заминаи 16 мактаб ва се муассисаи томактабӣ барои 200 нафар кӯдак сохта ба истифода дода шуд. Айни ҳол сохтмони як муассисаи таълимии нав барои 800 хонанда дар деҳаи Саттор Раҷабови Ҷамоати деҳоти Навобод ва дар заминаи 20 муассисаи таълимӣ 211 синфхонаҳои иловагӣ барои 11000 нафар дар ду баст идома дорад. Инчунин корҳои сохтмонӣ дар 8 муассисаи томактабӣ барои 1000 кӯдак идома дорад.
АКС: Мақомоти иҷроияи ҳокимияти давлатии шаҳри Турсунзода
Доир ба нақши Президенти Тоҷикистон дар рушди забони давлатӣ бо ҷавонони фаъоли ноҳияи Тоҷикобод вохӯрӣ баргузор шуд
Доир ба ташаббусҳои Тоҷикистон дар самти обу иқлим конфронси илмӣ-амалӣ баргузор шуд
ИСТИҚЛОЛИ ДАВЛАТӢ ВА РУШДИ ИЛМУ МАОРИФ ДАР ТОҶИКИСТОН. Таҳти чунин унвон конференсияи илмӣ-назариявӣ доир шуд
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо Бонки Осиёии Рушд баррасӣ гардид
Президенти Ҷумҳурии Тоҷикистон Эмомалӣ Раҳмон аз ҷараёни корҳои сохтмонӣ дар дигар мавзеъҳои сохтмони Неругоҳи «Роғун» боздид намуданд
Сарвари давлат Эмомалӣ Раҳмон бо ҷараёни корҳои сохтмонӣ дар cарбанди Неругоҳи «Роғун» шинос шуданд
САНАИ САРНАВИШТСОЗИ МИЛЛАТ. Эҳдо ба 35–солагии Истиқлоли давлатии Тоҷикистон
Хонандагони Тоҷикистон дар Олимпиадаи байналмилалии муҳандисӣ-кайҳонӣ сазовори ҷойи дуюм шуданд
ИСТИҚЛОЛИЯТ ВА РУШДИ МАОРИФ. Барои рушди ин соҳа дар Бадахшон зиёда аз 422 миллион сомонӣ пешбинӣ шудааст
Пешвои миллат Эмомалӣ Раҳмон дар Неругоҳи «Роғун» аз хобгоҳи бунёднамудаи ҶСК «Тоҷикгидроэлектромонтаж» боздид намуданд
Президенти Ҷумҳурии Тоҷикистон Эмомалӣ Раҳмон дар шаҳри Роғун ду иншооти дигарро ба таври фосилавӣ мавриди истифода қарор доданд
Сарвари давлат Эмомалӣ Раҳмон дар шаҳри Роғун бинои нави нозироти андози шаҳрро ифтитоҳ намуданд
