Дар Қазоқистон автобусеро, ки дар шафати кони маъдан афтода буд, пайдо намуданд
ДУШАНБЕ, 08.01.2024 /АМИТ «Ховар»/. Мутахассисон автобусеро пайдо намуданд, ки 4 январ бо наҷотдиҳандагони кӯҳӣ дар чоҳи шафати кони маъдан дар вилояти Павлодари Қазоқистон афтода буд. Дар ин хусус Роҳбари маъмурияти вилояти Павлодар Асаин Байханов аз рӯйи натиҷаҳои корҳои нусхабардории ҷуғрофӣ дар ин минтақа, ки рӯзи душанбе гузаронида шуд, хабар дод.
Байханов итминон дод, ки кори ҷустуҷӯи бедаракшудагон ба таври шабонарӯзӣ бурда шуда, ҳатто як дақиқа ҳам қатъ намешавад. Дар маҷмуъ ба корҳои ҷустуҷӯӣ 136 нафар, 41 техника, 3 дастаи кинологӣ ва 2 ҳавопаймои бесарнишин ҷалб гардидаанд.
Қаблан иттилоъ дода шуда буд, ки аз чуқурии 150 метр ҷасади ду нафар аз чор каси дар автобусбуда пайдо гардидааст.
Ҳодиса шаби 4 январ дар ноҳияи Баянаули вилояти Павлодар дар ҳудуди ҶС «Майкаинзолото», дар наздикии кони ангишти Майкаин рух дод. Ба гуфтаи мақомот, автобус бо се наҷотдиҳанда ва ронандаи автобус ба фазои тозакунӣ афтодааст. Дарозии тахминии чуқурӣ 150-200 м, паҳноӣ 500 м, умқи фурӯравӣ — 150 м будааст.
Азиза ИКРОМ,
АМИТ «Ховар»
АКС аз манбаъҳои боз
28 июл дар Кумитаи давлатии сармоягузорӣ ва идораи амволи давлатӣ ва Донишгоҳи технологӣ нишасти матбуотӣ баргузор мегардад
Имрӯз дар Тоҷикистон ҳаво то 40 дараҷа гарм мешавад
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
