Дар Бадахшон ҷашни Садаро бо риояи расму русуми ниёгон таҷлил намуданд
ДУШАНБЕ, 27.01.2024 /АМИТ «Ховар»/. Имрӯз бо иштироки роҳбарияти Вилояти Мухтори Кӯҳистони Бадахшон ва шаҳри Хоруғ ҷашни Сада бо риояи расму русуми ниёгон таҷлил гардид. Дар ин хусус ба АМИТ «Ховар» дар Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар доданд.
Ҳайати меҳмонон бо намоишгоҳи масҳулоти кишоварзии вилоят шинос шуда, барои меҳнати содиқона ба масъули баҳои баланд дод.
Таъкид гардид, ки халқи тоҷик дорои таърих ва фарҳанги кӯҳан буда, аз замонҳои қадим то ба имрӯз ба ойину суннатҳои миллӣ ва арзишҳои аҷдодӣ арҷ мегузорад ва имрӯз барои эҳёю ғановатманд гардондани онҳо ва густариш пайдо намудани маросиму ҷашнҳои бостонӣ саъю талош менамояд. Сада аз ҷумлаи чунин ҷашнҳои бостонӣ мебошад ва дар аҳди қадим, махсусан замони Сомониён бо шукӯҳу шаҳомати хос таҷлил мегардид.
Тазаккур дода шуд, ки моҳиятан ҷашни Сада пирӯзии рушноӣ бар торикӣ, гармо бар сармо ва некӣ бар бадӣ буда, мардум онро бо табрики ҳамдигар, баргузории рақсу суруд, афрӯхтани гулханҳои бузург ва дигар расму русуми нек таҷлил менамоянд.
«Ғояи асосии ҷашни Сада гиромидошти нуру рушноӣ ва гармию корҳои дигари хайр буда, дар ин бобат, дар устураҳои бостонӣ омадааст, ки мардум бо амалӣ намудани ин одатҳо, аз ҷумла афрӯхтани оташ, фасли баҳор ва гармию рушноиро даъват менамуданд», — иброз гардид дар чорабинӣ.
Дар чорабинӣ шаҳри Хоруғ ва ноҳияҳои вилоят барои саҳм гузоштан дар рушди соҳаи кишоварзӣ бо сипосномаи роҳбарияти вилоят сарфароз гардонида шуданд.
Ҳамзамон барои мудирони бахши кишоварзии ноҳияҳои Рӯшон, Шуғнон, Ишкошим ва Роштқалъа 1 адад мотосикл, дорупошак, либоси махсус, дору бар зидди ҳашароти зараррасон, қимакунаки алаф ва дигар техникаи лозима тақдим гардид.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Дар Институти физикаю техника озмоишгоҳи замонавӣ ба истифода дода шуд
Дар мактаби миёнаи № 35-и шаҳри Минск ба номи Домулло Азизов барномаи фарҳангӣ доир шуд
Дар пояи муҷассамаи Ҳаким Абулқосим Фирдавсӣ дар шаҳри Рими Италия аз номи Пешвои миллат Эмомалӣ Раҳмон гулчанбар гузошта шуд
Дар Душанбе конференсияи байналмилалии «Густариши ҳамкории мамлакатҳои Осиёи Марказӣ дар бахши обу энергетика» идома меёбад
Дар Бохтар аввалин Фестивал-намоишгоҳи байналмилалии донишгоҳҳои давлатҳои хориҷӣ баргузор гардид
Дар мавзуи «Паёми Президенти Тоҷикистон ва масъалаҳои рушди фаъолияти китобдорӣ ва бойгонишиносӣ» ҳамоиш доир шуд
Дар Академияи миллии илмҳои Тоҷикистон бо ҳайати намояндагони Академияи илмҳои Чин вохӯрӣ доир шуд
Дар Тоҷикистон барномаи омӯзишии Мактаби театрии Александрин мегузарад
ТАРБИЯИ ВАТАНДӮСТИИ ШАҲРВАНДОН. Дар шаҳри Ҳисор озмунҳои «Тоҷикистони ман!» ва «Шоҳнома Ватан аст!» доир мегарданд
Байни Тоҷикистон ва Италия Барномаи ҳамкории фарҳангӣ, илмӣ ва технологӣ барои солҳои 2024-2027 ба имзо расид
Дар Душанбе оид ба рушди ҳамкории мамлакатҳои Осиёи Марказӣ дар бахши обу энергетика конференсияи байналмилалӣ доир мегардад
САДРИДДИН АЙНӢ-БУНЁДГУЗОРИ АДАБИЁТИ НАВИНИ ТОҶИК. Дар Академияи миллии илмҳои Тоҷикистон конференсияи илмӣ-адабӣ гузаронида шуд
