Дар Бохтар бо иштироки Сарвазири Ҷумҳурии Тоҷикистон Қоҳир Расулзода ҷаласа баргузор гардид
ДУШАНБЕ, 13.01.2024 /АМИТ «Ховар»/. Дар шаҳри Бохтар бо иштироки Сарвазири Ҷумҳурии Тоҷикистон Қоҳир Расулзода ҷаласаи натиҷагирӣ аз рушди иҷтимоию иқтисодии вилояти Хатлон дар соли 2023 ва вазифаҳо барои соли 2024 баргузор гардид.
Таъкид шуд, ки иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имкон фароҳам овард, ки дар маҷмуъ рушди иҷтимоию иқтисодии вилояти Хатлон таъмин гардад ва ҷиҳати беҳтаршавии сатҳи зиндагии мардум широит фароҳам оварда шавад.
Татбиқи нақшаи чорабиниҳои ҷашни 35-солагии Истиқлоли давлатии Ҷумҳурии Тоҷикистон ва бунёду ба истифода додани иншооти соҳаҳои маориф, тандурустӣ, саноат, хизматрасонӣ ва дигар соҳаҳо ба таъсиси ҷойҳои нави корӣ ва афзоиши маҷмуи маҳсулот мусоидат намуд.
Аз ҳама нишондиҳандаи баланди рушд дар вилоят ба соҳаи кишоварзӣ марбут дониста мешавад.
Сарвазири Ҷумҳурии Тоҷикистон Қоҳир Расулзода масъулини дахлдорро ҷиҳати иҷрои саривақтӣ ва босифати дастуру супоришҳои Пешвои миллат муҳтарам Эмомалӣ Раҳмон вазифадор намуд.
Таваҷҷуҳ ба истифодаи пурраи имконияти табиии вилоят, ҷалби бештари сармояи хориҷӣ, бунёду барқарор намудани корхонаҳои саноатӣ, ба гардиши кишоварзӣ даровардани заминҳои нав, зиёд намудани шумораи ҷойҳои корӣ, беҳтар намудани инфрасохтори сайёҳӣ ва таъмини афзоиши истеҳсоли маҳсулоти саноатию кишоварзӣ ҷалб шавад.
Ҳамчунин дар ин рӯз Озмуни «Хона, маҳалла, деҳа, ҷамоати шаҳрак ва деҳот, ноҳия ва шаҳри беҳтарин»- дар вилояти Хатлон ҷамъбаст гардида, ғолибон қадрдонӣ шуданд.
АКС: АМИТ «Ховар»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
Кормандони соҳаи геология ва кӯҳкорӣ 35-солагии Истиқлоли давлатиро ботантана таҷлил намуданд
Навбати дуюми зеристгоҳи барқии «Навобод» ба истифода дода шуд
Дар Тоҷикистон платформаи рақамии ватании ZARZO барои ҳисоб ва идоракунии лоиҳаҳои кишоварзӣ таҳия мегардад
Дар Душанбе Фестивали зеҳни сунъӣ ва технологияҳои рақамӣ -«AI ALLEY» баргузор гардид
