Дар доираи татбиқи лоиҳа дар ноҳияи Ҳамадонӣ кӯдакистони замонавӣ бунёд мешавад
ДУШАНБЕ, 20.01.2024 /АМИТ «Ховар»/. Бонки ҷаҳонӣ дар доираи Гурӯҳи татбиқи лоиҳаи «Инкишофи барвақтии кӯдакон барои густариши сармояи инсонӣ дар Тоҷикистон» — и назди Вазорати молияи Ҷумҳурии Тоҷикистон дар ноҳияи Мир Сайид Алии Ҳамадонӣ муассисаи томактабии шакли нав барои ҷалби кӯдакон ба таҳсил бо шароити наву замонавӣ бунёд менамояд.
Тавре масъули Ҷамъияти дорои масъулияти маҳдуди «Строй — Сентр», ҳамзамон масъули сохтмони кӯдакистон Абубакр Шарифов дар суҳбат ба АМИТ «Ховар» гуфт, сохтмони кӯдакистон бо маблағгузории Бонки ҷаҳонӣ моҳи августи соли 2023 оғоз гардида, барои 150 кӯдак пешбинӣ шуда, аз ҷумла 80 кӯдаки аз 2 то 5-сола ва 70 кӯдаки синни томактабиро фаро мегирад.
Бояд ёдовар шуд, ки кӯдакистон дар маркази ноҳияи Ҳамадонӣ, дар шафати бинои Муассисаи таҳсилоти миёнаи умумии №1- и ноҳия мустақар буда, бахшида ба ҷашни 35 – солагии Истиқлолияти давлатии Ҷумҳурии Тоҷикистон сохта мешавад. Алҳол таҳкурсии бино пурра ба анҷом расида, корҳои хиштчинӣ дар бинои аввали он оғоз гардидаанд. Бинои кӯдакистон аз 2 ошёна ва 12 бинои ёрирасон, инчунин ҷойи бозии кӯдакон иборат буда, бо ҳама шароити зарурӣ бунёд мешавад. Ба корҳои сохтмонӣ 35 сокини маҳаллӣ ҷалб гардида, бо маоши хуб таъмин мебошанд.
Аз шуъбаи маорифи ноҳия иттилоъ доданд, ки алҳол дар ҳудуди ноҳияи Мир Сайид Алии Ҳамадонӣ 5 кӯдакистон бо фарогирии 420 кӯдак амал менамояд, ки дар онҳо 21 мураббия ба таълиму тарбияи кӯдакон машғул мебошанд.
АКС: АМИТ «Ховар»
Донишгоҳи давлатии омӯзгории Тоҷикистон соҳиби сертификати UNESCO-UNEVOC гардид
Байни Академияи сайёҳии Донишгоҳи байналмилалии сайёҳӣ ва соҳибкории Тоҷикистон ва Донишгоҳи Тартуи Эстония Ёддошти тафоҳум ба имзо расид
Даври ниҳоии Озмуни ҷумҳуриявии «Илм — фурӯғи маърифат» ифтитоҳ гардид
Намояндаи Тоҷикистон ғолиби овоздиҳии байналмилалии Ҷоизаи «Евразия-2026» гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Вазорати маорифи Чин Ёддошти тафоҳум оид ба ҳамкорӣ ба имзо расид
Аз 11550 хатмкунандаи муассисаҳои таҳсилоти ибтидоии касбӣ 8488 нафар бо ҷойи кори доимӣ таъмин шуданд
Хонандагони муассисаҳои таҳсилоти миёнаи умумии Тоҷикистон ба таътили тирамоҳӣ мебароянд
Дар Донишгоҳи миллии Тоҷикистон доир ба пажуҳиши илмӣ ва усулҳои ба роҳ мондани он ҳамоиш доир шуд
Академияи идоракунии давлатии Тоҷикистон бо Ҷамъияти ҳуқуқшиносони Шанхай ҳамкориро тақвият медиҳад
Сабзалӣ Ҷаъфарзода: «Таъсиси Маркази миллии тестӣ аз ҷумлаи ислоҳоти муҳимми соҳаи маориф дар даврони соҳибистиқлолии Тоҷикистон аст»
Маркази миллии тестӣ натиҷаҳои озмуни тақсимоти такрории давраи сеюми имтиҳонҳои дохилшавиро эълон намуд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
