Дар Донишгоҳи байналмилалии сайёҳӣ ва соҳибкории Тоҷикистон бахшида ба Рӯзи кормандони гумрук ҳамоиш доир гардид
ДУШАНБЕ, 20.01.2024/АМИТ «Ховар»/. «Нақши мақомоти гумрук дар амалисозии Стратегияи рушди «иқтисоди сабз» дар Ҷумҳурии Тоҷикистон» — таҳти чунин унвон дар Донишгоҳи байналмилалии сайёҳӣ ва соҳибкории Тоҷикистон ҳамоиши илмӣ-назариявии ҷумҳуриявӣ баргузор шуд. Ҷамъомади мазкур ба Рӯзи кормандони мақомоти гумруки Тоҷикистон, ки 22 январ эълон гардидааст, бахшида шуд, хабар медиҳад АМИТ «Ховар» бо истинод ба ин Донишгоҳ.
Дар ҳамоиш роҳбарият ва устодони Донишгоҳи байналмилалии сайёҳӣ ва соҳибкории Тоҷикистон, сардори Донишкадаи такмили ихтисоси Хадамоти гумруки назди Ҳукумати Ҷумҳурии Тоҷикистон, инчунин донишҷӯёни ихтисосҳои фаъолияти гумрукӣ иштирок намуданд.
Муовини ректор оид ба илм ва инноватсияи Донишгоҳ Исломбек Зоирзода гуфт, ки мақомоти гумруки назди Ҳукумати Ҷумҳурии Тоҷикистон зодаи даврони соҳибистиқлолии Тоҷикистон буда, дар шароити ниҳоят мураккаби вазъи сиёсӣ 22 январи соли 1992 таъсис дода шудааст. Маҳз, бо шарофати Истиқлолияти давлатӣ ва таваҷҷуҳи хоссаи Президенти мамлакат муҳтарам Эмомалӣ Раҳмон Хадамоти гумруки назди Ҳукумати Ҷумҳурии Тоҷикистон ба сохтори калидию мукаммали давлатӣ ва такягоҳи буҷети мамлакат табдил ёфт.
Таъкид шуд, ки Донишгоҳи байналмилалии сайёҳӣ ва соҳибкории Тоҷикистон дар раванди омода намудани кадрҳои соҳаи гумрук нақши назаррас дорад ва дар амалисозии Стратегия ва Барномаҳои давлатӣ дар ин самт саҳми худро мегузорад.
Ҳамзамон, ҳамасола тариқи озмунҳо ба сафи кормандони Хадамоти гумруки назди Ҳукумати Ҷумҳурии Тоҷикистон пайвастани хатмкунандагони Донишгоҳ, гувоҳи соҳибкасб ва баландмалака будани дастпарварони ин боргоҳи илму маърифат мебошад.
АКС: Донишгоҳи байналмилалии сайёҳӣ ва соҳибкории Тоҷикистон
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
Кормандони соҳаи геология ва кӯҳкорӣ 35-солагии Истиқлоли давлатиро ботантана таҷлил намуданд
Навбати дуюми зеристгоҳи барқии «Навобод» ба истифода дода шуд
Дар Тоҷикистон платформаи рақамии ватании ZARZO барои ҳисоб ва идоракунии лоиҳаҳои кишоварзӣ таҳия мегардад
Дар Душанбе Фестивали зеҳни сунъӣ ва технологияҳои рақамӣ -«AI ALLEY» баргузор гардид
