Дар Донишкадаи таълимию фарҳангии Конфутсийи назди Донишгоҳи миллии Тоҷикистон даври такмили ихтисоси омӯзгорон оғоз ёфт

Январь 13, 2024 09:58

ДУШАНБЕ, 13.01.2024. /АМИТ «Ховар»/. Дар Донишкадаи таълимию фарҳангии Конфутсийи назди Донишгоҳи миллии Тоҷикистон даври  такмили ихтисоси омӯзгорони маҳаллии забони чинӣ дар Тоҷикистон оғоз ёфт. Ба он устодони варзидаи донишгоҳҳои олии Ҷумҳурии Мардумии Чин ҷалб шудаанд, хабар доданд ба АМИТ «Ховар» дар Донишгоҳи миллӣ.

Ректори Донишгоҳи миллии Тоҷикистон, профессор Қобилҷон Хушвахтзода изҳор дошт, ки ҳамкории фаъоли Донишкадаи таълимию фарҳангии Конфутсийи назди Донишгоҳи миллии Тоҷикистон бо муассисаҳои таҳсилоти олии Ҷумҳурии Мардумии Чин хуб амалӣ шудааст, ки ин аз татбиқи муваффақонаи сиёсати маорифпарварона ва ҳамкории дӯстона таҳти роҳбарии Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Мардумии Чин муҳтарам Си Ҷинпин дарак медиҳад.

Таъкид гардид, ки рушди ҷомеа ва давлат, омода намудани мутахассисони рақобатпазир ба омӯзгори донишманди мусаллаҳ бо донишҳои замонавӣ ва истифодаи усулҳои наву фаъоли таълим бештар вобаста аст.

Зимнан василаи баланд бардоштани дониши умумӣ ва соҳавии омӯзгорон, боло бурдани донишу малакаи омӯзгор ва аз бар намудани барномаҳои замонавии таълимӣ бештар амалӣ намудани такмили ихтисоси омӯзгорон ба ҳисоб меравад. Такмили ихтисос ҳамчун таҳсилоти касбии иловагӣ боиси такмил додан ва бозбинӣ намудани донишҳои мавҷуда ва аз худ намудани малакаҳои касбии омӯзгорон мегардад.

Маҳз гузаштан аз даврҳои такмили ихтисос имконият медиҳад, ки дониш, маҳорат ва малакаи касбии омӯзгор баланд гардида, омӯзгор ба талаботи низоми нави таълим, боло бурдани салоҳиятнокии касбӣ ва рушди шахсият мушарраф гардад.

Такмили ихтисос сабаб мегардад, ки қобилияти инфиродии омӯзгор сайқал дода шуда, ба боло бурдани сатҳу сифати таълим ва тарбия мусоидат намояд.

Дар Донишкадаи таълимию фарҳангии Конфутсийи назди Донишгоҳи миллии Тоҷикистон барои омӯзиши забону фарҳанги чинӣ синфхонаҳои замонавӣ омода гардида, омӯзгорони маҳалливу хориҷӣ дар он дарс медиҳанд.

Профессор ва мудири шуъбаи докторантураи Донишгоҳи омӯзгории Шарқии Чин (Хуадон) Йе Ҷун иброз дошт, ки «ташрифи гурӯҳи мо ба Донишгоҳи миллии Тоҷикистон боиси хушнудӣ аст. Ман аз имкони табодули таҷриба ва татбиқи таҷрибаи таҳсили байналмилалии Чин бо коршиносон ва омӯзгорон дар доираи ин чорабинӣ хеле шодам».

Омӯзгорон бо малака ва қобилияти худ дар самаранокии таълими донишҷӯён ва пешрафти самти иҷтимоӣ, ҳамчунин рушди маориф нақши асосӣ доранд. Омода намудани омӯзгорон ҳамеша воситаи зарурӣ ва чораи мусоидат ба ислоҳот ва рушди маориф мебошад. Таълими омӯзгорони чинӣ дар хориҷа ба сатҳи ҷаҳонишавӣ, иттилоотӣ ва тахассусии таҳсили чинӣ таъсир мерасонад. Метавон гуфт, ки таълими омӯзгорон яке аз тадбирҳои калидӣ барои баланд бардоштани сифати таълим ва яке аз воситаҳои асосии мусоидат ба рушди маориф мебошад.

АКС: Донишгоҳи миллии Тоҷикистон

Январь 13, 2024 09:58

Хабарҳои дигари ин бахш

Бахшида ба Рӯзи Президент дар Литсей барои хонандагони болаёқат дар шаҳри Душанбе ҳамоиш доир шуд
ҲАМНАФАСИ МАРДУМ, ҲАМҚАДАМИ ТАЪРИХ. Андешае дар ҳошияи Рӯзи Президенти Ҷумҳурии Тоҷикистон
ПЕШВОИ МИЛЛАТ ВА ТАҲКИМИ ПОЯҲОИ РУШДИ ИҚТИСОДИИ ТОҶИКИСТОН. Дар ҳошияи таҷлили Рӯзи Президент
Бахшида ба Рӯзи Президент дар Донишгоҳи байналмилалии сайёҳӣ ва соҳибкорӣ ҳамоиш доир шуд
Барномаи «Низоми арзёбии донистани забони тоҷикӣ барои шаҳрвандони хориҷӣ» муаррифӣ гардид
Ҳаками озмуни «Фурӯғи субҳи доноӣ китоб аст» Шодӣ Раҷабзод: «Сатҳи омодагӣ, донишу маърифат ва ҷаҳонбинии довталабон сол то сол беҳтар мегардад»
«ИЛМ — ФУРӮҒИ МАЪРИФАТ». 59 иштирокчии даври ниҳоии озмун қадрдонӣ карда шуданд
РӮЗИ ПРЕЗИДЕНТИ ТОҶИКИСТОН — РӮЗИ АРҶГУЗОРӢ БА МЕЪМОРИ СУЛҲУ ВАҲДАТИ ТОҶИКОН ДАР АРСАИ ҶАҲОНӢ. Андешаҳо дар ин маврид
ШИНОХТИ ШАХСИЯТҲОИ АДАБӢ ВА ТАЪРИХӢ ДАР ЗАМИНАИ ИСТИҚЛОЛ. Бо чунин унвон конференсияи ҷумҳуриявӣ доир гардид
Дар ноҳияи Бобоҷон Ғафуров сохтмони иншооти соҳаи маориф ва саноат идома дорад
«ФУРӮҒИ СУБҲИ ДОНОӢ КИТОБ АСТ». Бо иштироки 562 довталаб даври ниҳоии озмун ифтитоҳ ёфт
Имрӯз даври ниҳоии Озмуни ҷумҳуриявии «Фурӯғи субҳи доноӣ китоб аст» оғоз мегардад